| e-texts navigator |
| Wylie |
221a1 གསུང་ཐུགས་ཀྱི་སྤྲུལ་པའི་ལེའུ་སྟེ་དྲུག་པའོ།། །། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དང་། རིགས་ལྔའི་བདེ་བར་གཤེགས་པ་ཐམས་ཅད་དང་། འདུས་པའི་བྱང་ཆུབ
221a2 སེམས་དཔའ་ཐམས་ཅད་དགོངས་པ་གཅིག་ཏུ་གྱུར་ཏེ། ཕྱིན་ཅི་ལོག་པའི་ལམ་ལ་དད་པའི་དབང་གིས་ད་ལྟར་དངོས་པོ་ལ་ལྷག་པར་མངོན་སུམ་དུ་གྱུར་པ། མངོན་པའི་ལུས་ངག་ཡིད་ཀྱི་མཐུ་བརྙེས་པ། སངས་རྒྱས
221a3 ཀྱི་བསྟན་པ་ལ་སྐུར་པ་འདེབས་ཤིང་འཇིག་རྟེན་ཕུང་བར་བྱེད་པ། ཁྲོ་གཏུམ་བརླང་ཚིག་གི་འོ་དོད་འབོད་ཅིང་། སེམས་ཅན་ཐམས་ཅད་བྲེད་ཅིང་བརྒྱལ་བར་བྱེད་པ། སྡུག་བསྔལ་ཐམས་ཅད་རབ་ཏུ་རྒྱས་པར་སྤྱོད
221a4 པའི་སེམས་ཅན་དེ། ཆོས་ཉིད་ཞི་བས་འདུལ་བའི་སྐབས་ལ་མ་བབས་ཏེ། ཟབས་མཁས་པའི་རོལ་པའི་མཛད་སྤྱོད་ཀྱིས་འདུལ་བར་གཟིགས་ནས། བཅོམ་ལྡན་འདས་གསང་བ་མཆོག་གི་བདག་པོ་ལ། རྡོ་རྗེ་ཆོས
221a5 ཀྱིས་འདི་སྐད་ཅེས་གསོལ་བ་བཏབ་བོ།། ཨེ་མ་ཧོ་བདེ་གཤེགས་གསང་བའི་བདག། ལོག་པའི་ལམ་དུ་ཞུགས་པ་འདི།། ཤིན་ཏུ་ཁྲོས་ཤིང་གཏུམ་པར་འགྱུར།། ཞི་བས་ཕན་པར་མི་འགྱུར་ཏེ།། ཤེས་རབ་ཐབས་སུ
221a6 སྦྱོར་མཛད་པ།། ཁྲོ་བོར་དེ་བཞིན་གཤེགས་ཀུན་མཛད།། སངས་རྒྱས་ཐམས་ཅད་ཁྲོས་པ་ཡིས།། གདུག་པའི་ང་རྒྱལ་ཞི་བར་འགྱུར།། དེ་ཕྱིར་འཁོར་རྣམས་བསྡུ་བར་མཛོད།། ཅེས་གསོལ་པ་དང་། བཅོམ་ལྡན
iiif viewer powered by OpenSeadragon
