| e-texts navigator |
| Wylie |
220b1 གཉིས་རྫོགས་ལྷུན་གྱིས་གྲུབ།། ཐམས་ཅད་དེ་ཡི་རྒྱན་དུ་ཆེ།། གཉིས་རྫོགས་ཐིག་ལེ་མཉམ་སྦྱོར་བས།། སྙིང་རྗེ་ཆེན་པོ་ཡོངས་ཀྱིས་འཆར།། བཅུ་བཞིའི་སེམས་ཅན་གདུལ་དཀའ་ལ།། སྒྱུ་མའི་སེམས་ཅན་སྒྲོལ་བ
220b2 ཡི།། རྣལ་འབྱོར་ཆེན་པོའི་འོད་ལྡན་སྤྱོད།། འོད་ལ་རྟག་ཏུ་གང་འདུག་པ།། སངས་རྒྱས་སྲས་དང་འཁོར་བཅས་ཀྱིས།། ཐུགས་རྗེའི་ཉི་མ་ཤུགས་ཀྱིས་འབྱུང་།། དངོས་མེད་ནམ་མཁའི་མཚན་ཉིད་ནི།། མཚན་ཉིད་ལ
220b3 ཡང་མི་གནས་སོ།། དེ་ཉིད་སྣ་ཚོགས་པར་ཡང་སྣང་།། ཕྱག་རྒྱ་ལྷུན་གྲུབ་དེ་ཉིད་དོ།། དེ་ལྟར་སྒྱུ་མའི་རང་བཞིན་པས།། དེ་ལྟར་དངོས་མེད་དངོས་དང་བྲལ།། ཇི་ལྟར་སྤྱོད་ཅིང་བལྟས་པ་རྣམས།། གཉིས་མེད་དོན
220b4 ལས་གཡོས་པ་མེད།། དམྱལ་བ་ཡི་དྭགས་བྱོལ་སོང་རྣམས།། འདི་ཡི་སྡུག་བསྔལ་བྱང་ཆུབ་ལ།། དེ་ཡི་གནས་ཉིད་བླ་མེད་གནས།། ཁམས་གསུམ་འཁོར་བ་མྱ་ངན་འདས།། ལུས་ཀྱི་སྒྲིབ་པ་མངོན་སངས་རྒྱས།། འདི
220b5 ཞེས་བྱ་བར་བསྟན་པ་ནི།། ངས་ཀྱང་བསྟན་དུ་ཡོད་མ་ཡིན།། རང་རང་ལུས་ངག་ཡིད་ལ་ལྟོས།། ཞེས་གསུངས་པས། འཁོར་དུ་འདུས་པའི་བྱང་ཆུབ་སེམས་དཔའ་དེ་དག་ཐེ་ཚོམ་དང་བྲལ་ནས་རང་རང་གི་ལུས་ངག
220b6 ཡིད་གསུམ་གྱིས་དེ་བཞིན་ཉིད་ལ་དམིགས་ནས་ཅང་མི་སྨྲ་བར་འཁོད་དོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས་སྐུ
iiif viewer powered by OpenSeadragon
