| e-texts navigator |
| Wylie |
219b1 གདོལ་བ་མོ།། སྲིང་མོ་དང་ནི་ཕྱལ་བ་ལ།། ཆགས་པའི་སེམས་ཀྱི་རབ་སྦྱར་ན།། པདྨའི་རིགས་སུ་ངེས་པར་སྐྱེས།། ཟས་སུ་བཤང་གཅི་ཤ་རྣམས་དང་།། རྣག་དང་ཁྲག་དྲོན་འཐུང་བས་ནི།། ལས་ཀྱི་རིགས་སུ་ངེས
219b2 པར་སྐྱེ།། ངན་པ་ཟོས་ཤིང་ངན་པ་སྤྱད། ཇི་ལྟར་ངན་པ་ཐམས་ཅད་ཀྱིས།། གཙང་སྨེ་མེད་པར་སྤྱད་བྱས་ན།། དེ་བཞིན་གཤེགས་པའི་རིགས་སུ་སྐྱེ།། ཞེས་གསུངས་པས། འཁོར་དུ་འདུས་པའི་བྱང་ཆུབ་སེམས
219b3 དཔའ་དེ་དག་སྐྲག་སྟེ། རབ་ཏུ་བརྒྱལ་ཏེ་ཁ་བུབ་ཏུ་འགྱེལ་བར་འགྱུར་རོ།། དེ་ནས་རྡོ་རྗེ་ཆོས་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་ལ་བལྟས་ཏེ། བཅོམ་ལྡན་འདས་བྱང་ཆུབ་སེམས་དཔའ་འདི
219b4 དག། སྔོན་གྱི་འདུ་ཤེས་ངན་པ་དྲན་ནས་བརྒྱལ་ན།། འདི་དག་གསོ་བར་གསོལ་ཞེས་ཞུས་པ་དང་། བཅོམ་ལྡན་འདས་གསང་བ་མཆོག་གི་བདག་པོ་དེས། བདུད་རྩི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས
219b5 ནས། བྱང་ཆུབ་སེམས་ཀྱི་འོད་ཟེར་འཁྱིལ་པ་ཡིས། བྱང་ཆུབ་སེམས་དཔའ་དེ་དག་ལ་བསྟིམས་ཏེ། བྱང་ཆུབ་སེམས་དཔའ་དེ་རྣམས་དྲན་པ་རྙེད་པར་བྱས་སོ།། དེ་ནས་ལངས་ཏེ། བཅོམ་ལྡན་འདས་གསང་བ
219b6 མཆོག་གི་བདག་པོའི་ཞལ་དུ་མིག་མི་འཛུམ་པར་བལྟས་ཏེ་འཁོད་དོ།། དེ་ནས་ཡང་གསང་བའི་བདག་པོས་འདི་སྐད་ཅེས་བཀའ་སྩལ་ཏོ།། རིག་པ་ལས་བྱུང་བུ་མཆོག་རྣམས།། སྔོན་གྱི་འདུ་ཤེས་ངན་པ
iiif viewer powered by OpenSeadragon
