| e-texts navigator |
| Wylie |
219a1 གསུངས།། ལོག་པའི་ལམ་ལ་མ་གཏོགས་སོ།། ཁམས་གསུམ་སངས་རྒྱས་བསྟན་ལ་དད།། དེ་སྙེད་འབྲས་བུ་བདེན་གཉིས་མཐོང་།། དུས་དེར་འཁོར་དུ་སྤྲུལ་པ་ཡི།། བྱང་ཆུབ་སེམས་དཔའ་ཇི་སྙེད
219a2 པ།། ངོ་མཚར་ཡིད་བདེ་རྨད་དུ་བྱུང་།། རྡོ་རྗེ་ཆོས་ལ་འདི་སྐད་གསོལ།། ཨེ་མ་ཧོ་དོན་ཟབ་རྡོ་རྗེ་ཆོས།། རབ་ཟབ་ཁྱོད་ལ་ཕྱག་འཚལ་ལོ།། ཨེ་མ་ཧོ་སྔགས་ཀྱི་བདག་ཉིད་ཅན།། ཡོངས་གསལ་ཁྱོད་ལ་ཕྱག་འཚལ
219a3 ལོ།། ཨེ་མ་ཧོ་མི་འདུལ་གཅིག་ཀྱང་མེད།། ཆོ་འཕྲུལ་ཁྱོད་ལ་ཕྱག་འཚལ་ལོ།། ཨེ་མ་ཧོ་སངས་རྒྱས་ཐམས་ཅད་ཀྱིས།། སྐུ་གསུང་ཐུགས་ཀྱི་མི་འདུལ་མེད།། འདི་ནི་ངོ་མཚར་ཡ་མཚན་ཆེ།། ཞེས་གསོལ་པ་དང་། རྡོ
219a4 རྗེ་ཆོས་ཀྱིས་བཀའ་སྩལ་པ།། རིགས་རྣམས་བྱང་ཆུབ་སེམས་དཔའི་འཁོར།། འདུས་པའི་འཁོར་ཚོགས་ཀུན་ཉོན་ཅིག། གསང་བའི་ཐེག་པའི་ཡང་རྩེ་ལ།། སུ་ཞིག་དད་ཅིང་མོས་གྱུར་ན།། དེ་ཡིས་ལས་རྣམས་ཐམས
219a5 ཅད་འགྲུབ།། མི་བྱ་བ་ནི་གང་ཡང་མེད།། མི་བསྲུང་བ་ནི་གང་ཡང་མེད།། ཁྱོད་ཀྱིས་སྲོག་ཆགས་གསད་པར་བྱ།། མི་ཚངས་པར་ཡང་སྤྱད་པར་བྱ།། བརྫུན་དུ་ཡང་ནི་སྨྲ་བར་བྱ།། ཚིག་རྩུབ་པ་ཡང་སྨྲ་བར་བྱ།། རིན
219a6 ཆེན་རིགས་སུ་ངེས་པར་སྐྱེ།། ཕ་དང་ཁུ་བོ་རྟག་ཏུ་བསད།། མེས་པོ་བུ་རྣམས་རྟག་ཏུ་གཞོམ།། སྤུན་དང་ཚ་བོ་རྣམས་སྤངས་ཏེ།། ཞེ་སྡང་སེམས་ཀྱིས་མེད་བྱས་ན།། རྡོ་རྗེ་འཛིན་པར་དེ་འགྱུར་རོ།། མ་དང་བུ་མོ
iiif viewer powered by OpenSeadragon
