| e-texts navigator |
| Wylie |
218a1 ཆོས་ཀྱང་སྟོན།། ས་བཅུའི་བྱང་ཆུབ་སེམས་དཔའ་ལ།། རྣམ་པར་སྣང་མཛད་ཆ་གཉིས་སྟོན།། འགྲོ་བའི་བསམ་པས་དབང་བསྒྱུར་བས།། ཇི་ལྟར་གདུལ་བྱ་སྐུར་བསྟན་འདུལ།། གསུང་གི་བྱེ་བྲག
218a2 བསམ་ཡས་ཏེ།། བསྡུས་པའི་ཚིག་ཙམ་བཤད་བྱ་བ།། ལ་ལར་སྡེ་གསུམ་དག་ཏུ་བསྡུས།། བསྡུས་ནས་ཆོས་ཀྱི་འཁོར་ལོ་བསྐོར།། ལ་ལར་གསུང་རབ་བཅུ་གཉིས་སུ།། བསྡུས་ནས་ཆོས་ཀྱི་འཁོར་ལོ་བསྐོར།། ལ
218a3 ལར་སྟོང་ཕྲག་བརྒྱད་ཅུ་ཡིས།། སོ་སོའི་རྒྱུད་དུ་ཆོས་ཀྱང་སྟོན།། གཏི་མུག་གིས་འཐིབས་འགྲོ་གང་ལ།། སངས་རྒྱས་འཁོར་ལོ་ཅན་གྱིས་སྟོན།། ཞེ་སྡང་གིས་ནི་གཟིར་བ་ལ།། རྡོ་རྗེ་འཛིན་པས་ཆོས་ཀྱང་སྟོན།། ང
218a4 རྒྱལ་གྱིས་ཁེངས་འགྲོ་གང་ལ།། རིན་ཆེན་འབྱུང་བའི་འཁོར་ལོ་བསྐོར།། འདོད་ཆགས་ཀྱིས་གདུངས་འགྲོ་གང་ལ།། འོད་དཔག་མེད་པས་འཁོར་ལོ་བསྐོར།། ཕྲག་དོག་གིས་མྱོས་འགྲོ་གང་ལ།། དོན་ཡོད་གྲུབ་པས
218a5 ཁོར་ལོ་བསྐོར།། འགྲོ་བའི་སྐད་ནི་བསམ་ཡས་པར།། བདེ་གཤེགས་གསུང་གིས་དེ་སྙེད་སྟོན།། ཐུགས་ལས་ངེས་མེད་གཟུགས་བྱུང་བ།། འགྲོ་རྣམས་གཅིག་པར་འཛིན་རྣམས་ལ།། ཐུགས་ཀྱི་སྤྲུལ་པས་མདོ
218a6 བཤད།། ལ་ལར་ཡོངས་སུ་ལུང་བསྟན་ཚུལ།། ལ་ལར་ལྷུམས་སུ་གཤེགས་པར་སྟོན།། ལ་ལར་མངལ་གནས་བདེ་བར་སྟོན།། ལ་ལར་ལྷུམས་ནས་བལྟམས་པར་སྟོན།། ལ་ལར་ཕྱོགས་བཞིར་གཤེགས་པར
iiif viewer powered by OpenSeadragon
