| e-texts navigator |
| Wylie |
216b1 ན།། གཞན་གྱིས་སེམས་འཕྲོག་མི་ནུས་ལ།། སངས་རྒྱས་ཀུན་གྱི་ཐུགས་སུ་འགྱུར།། སྐུ་གཟུགས་ལུགས་མ་འབུར་དུ་བརྐོས།། དེ་ལ་སོགས་པ་ཅི་རིགས་པར།། དབང་བསྐུར་དུས་སུ་བརྩམ་བྱ་བ།། རྡོ་རྗེ་ཁུ་ཚུར་དམ
216b2 བཅིངས་ལ།། གུང་མོ་གཉིས་གཤིབས་བསྒྲེངས་བྱས་ནས།། ཅོད་པན་དབང་བསྐུར་ཕྱག་རྒྱ་ཡིས།། ཨོཾ་ཨ་བྷི་ཥིཉྩ་མཱཾ།། སརྦ་ཏ་ཐཱ་ག་ཏ་མུ་ཀུ་ཊ་རཏྣ་ཏཱཾ། སྔགས་བརྗོད་དབང་བསྐུར་གནས་སུ་གཏུག། རིན་པོ་ཆེ་དང
216b3 རིགས་ལྔ་ཡིས།། སོ་སོའི་སྐབས་ཀྱི་དབུ་རྒྱན་སོགས།། སྐབས་སུ་རྒྱན་དུ་ཤེས་པར་བྱ།། དེ་ལ་སོགས་པ་སྣ་ཚོགས་པ།། མཁས་པས་བརྟགས་ཤིང་ཅི་རིགས་པར།། ལས་རྣམས་ཡོངས་སུ་ཤེས་པར་བྱའོ།། དེ་ལ
216b4 སོགས་པའི་ཕྱག་རྒྱ་དང་།། སྔགས་ལ་སོགས་པ་བརྗོད་མི་ལང་།། ཆོས་དབྱིངས་བརྗོད་བྲལ་དེ་ལས་འབྱུང་།། འབྱུང་བ་ནམ་མཁའི་མཐའ་ཀླས་པ།། བརྗོད་མེད་བསམ་ལས་མི་དཔོག་པ།། ཡོན་ཏན་བསམ་ཡས་དེ
216b5 ལས་འབྱུང་།། ཞེས་གསང་བའི་བདག་པོས་གསུངས་སོ།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང་བ། ཀཱི་ལ་ཡ་བཅུ་གཉིས་ཀྱི་མདོ་ལས། ཕྱག་རྒྱ་རྣམ་པར་སྤྲོ
216b6 བའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་ཆོས་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་མ་བཅོས་ངོ་བོ་ཉིད།། བརྗོད་པའི་ཐ་སྙད་རྣམས་དང་བྲལ།། དུས
iiif viewer powered by OpenSeadragon
