| e-texts navigator |
| Wylie |
214b1 པ།། སྣང་མཛད་སེམས་དཔའ་ཉིད་འདྲར་འགྱུར།། ལག་གཉིས་རྡོ་རྗེ་ཁུ་ཚུར་གྱིས།། གཡོན་པའི་མཛུབ་མོ་བསྒྲེང་བ་ནི།། གཡས་པའི་ཁུ་ཚུར་ནང་དུ་གཞུག། ཐུགས་ཀར་བརྟན་པར་བཟུང་བ་ནི།། རྣམ་པར་སྣང
214b2 མཛད་ལས་ཀྱི་རྒྱ།། བསྒྲུབས་ན་སྔགས་གང་འགྲུབ་པའི་དུས།། ཇི་ལྟར་མཆོད་པར་འོས་པའི་རྫས།། ཇི་ལྟར་བསམ་པ་འབྱུང་བར་འགྱུར།། དེ་ཡི་འབྲས་བུ་བརྗོད་ལས་འདས།། བྱང་ཆུབ་མཆོག་ཏུ་གདོན་མི
214b3 ཟའོ།། གཞན་ཡང་རྡོ་རྗེ་འཛིན་པ་ཡི།། སྐུ་གསུང་ཐུགས་ཀྱི་གསང་བ་ལས།། ཨོཾ་བཛྲ་ཨཀྵོ་བྷྱ་ཧཱུཾ། སྔགས་འདི་ཕྲེང་བར་བསྐོར་ཅིང་བསྒྲུབ།། ལེགས་པར་འགྲུབ་པའི་དུས་སུ་ནི།། སེམས་དཔའི་སྐྱིལ་མོ་ཀྲུང་འདུག
214b4 ནས།། ལག་གཡོན་རྡོ་རྗེ་པང་བར་བཞག། ལག་གཡས་རྡོ་རྗེ་ས་གཞི་གནོན།། ཁྲོས་པའི་སེམས་བཅས་ཕྱག་རྒྱ་གཏད།། རབ་ཏུ་དྲག་པོའི་སྔགས་བཟླས་པས།། སངས་རྒྱས་ཀུན་ཀྱང་སྐྲག་འགྱུར་ན།། བར་གཅོད
214b5 བདུད་རྣམས་སྨོས་ཅི་དགོས།། གཞན་ཡང་རིན་ཆེན་འབྱུང་ལྡན་གྱི།། སྐུ་གསུང་ཐུགས་ཀྱི་གསང་བ་འདི།། སྙིང་པོ་དམ་པ་འདི་ཡིན་ནོ།། ཨོཾ་རཏྣ་སམ་བྷ་ཝ་ཏཱཾ། སྔགས་འདི་མ་ནོར་དོན་གྱིས་བཟླས།། སྔགས་འདི
214b6 བསྒྲུབ་པའི་དུས་སུ་ནི།། ལག་གཡོན་རིན་ཆེན་པང་པར་བཞག། ལག་པ་མཆོག་སྦྱིན་ཕྱག་རྒྱ་ནི།། ལས་གང་བྱེད་པའི་དུས་སུ་ནི།། ཕྱག་རྒྱ་གཏད་ཅིང་སྔགས་བཟླས་པས།། ཚེ་ཟད་ཤི་ལས་སློང་བར་བྱེད།། ནོར
iiif viewer powered by OpenSeadragon
