| e-texts navigator |
| Wylie |
213b1 ཆུབ་སེམས་དཔའ་ཆེན་པོ་ལ།། ཟུང་འཇུག་དོན་ལ་གཉིས་མེད་བསྐུལ།། བདེ་བར་གཤེགས་པའི་རང་བཞིན་ལ།། སེམས་ཅན་དོན་མཛད་སྨོན་ལམ་བསྐུལ།། བདེ་གཤེགས་ལྔ་ཡིས་སྐུ་གདུང་བསྐྱེད།། རྒྱལ་མཚན
213b2 བཞི་ཡི་རིགས་གསལ་བྱ།། སྣང་མཛད་སེམས་དཔའི་ལུགས་ལ་སོགས།། ཇི་ལྟའི་རིམ་པ་བསྐྱེད་པར་བྱའོ།། ཆོ་གའི་རིམ་པ་གོ་རིམ་བཞིན།། ཀུན་ལ་དེ་བཞིན་བྱ་བ་ཡིན།། གླེགས་བམ་ཟབ་མོའི་གཞུང་འདི
213b3 ནི།། ཡུམ་མཆོག་ཤེས་རབ་ཕ་རོལ་ཕྱིན།། དེ་ལ་ཆོ་ག་ཡོངས་རྫོགས་བྱ།། བུམ་པ་བརྒྱད་དམ་བཅུ་དྲུག་གམ།། ཕྱོགས་ཀུན་བསྐོར་ཏེ་དབང་ཡང་བསྐུར།། དེ་ཞུ་ཡི་གེའི་རང་བཞིན་ཏེ།། བདེ་གཤེགས་གསུང་གི་བྱིན
213b4 གྱིས་བརླབ།། ཉོན་མོངས་དུག་གསུམ་གཟེར་ཡང་གདོན།། མཁས་པས་ཆོ་ག་རིམ་བཞིན་བྱ།། མཁའ་དབྱིངས་རྣམ་དག་གཞལ་ཡས་སུ།། མ་ཆགས་པདྨའི་གདན་བཏིང་ཞིང་།། རང་སྔགས་སྐུ་ཡི་དཀྱིལ་འཁོར
213b5 རྣམས།། བསྒོམས་ན་དངོས་གྲུབ་དམ་པ་ཐོབ།། མཁའ་དབྱིངས་གསལ་བའི་དབྱིངས་ཉིད་དུ།། རང་སྔགས་གསུང་གི་དཀྱིལ་འཁོར་རྣམས།། བསྒོམས་ན་དངོས་གྲུབ་དམ་པ་ཐོབ།། མཁའ་དབྱིངས་གསལ་བའི
213b6 དབྱིངས་ཉིད་དུ།། རང་སྔགས་ཐུགས་ཀྱི་ཕྱག་མཚན་རྣམས།། བསྒོམས་ན་དངོས་གྲུབ་ཡ་མཚན་འབྱུང་།། རྣལ་འབྱོར་ཏིང་འཛིན་རྩེ་གཅིག་གིས།། གང་འདོད་ལས་རྣམས་འགྲུབ་པར་འགྱུར།། ཏིང་འཛིན་དཀྱིལ
iiif viewer powered by OpenSeadragon
