| e-texts navigator |
| Wylie |
212b1 དབྱིངས་དག་པའི་དབུས་སུ་ནི།། རྡོ་རྗེ་འཛིན་པའི་དཀྱིལ་འཁོར་བསྒོམ།། རོལ་མོ་རྒྱན་དང་རྡོ་རྗེས་འཁྲིགས།། དེ་དབུས་རང་སྔགས་རྡོ་རྗེ་ཅན།། རྣལ་འབྱོར་བློ་ལྡན་དམ་པས་བསྒོམ།། གཉིས་མེད་རྡོ་རྗེ་ཅན་དུ
212b2 འགྱུར།། མཁའ་དབྱིངས་དག་པའི་དབུས་སུ་ནི།། ཡོངས་སུ་རྫོགས་པའི་གཞལ་ཡས་མཆོག། རོལ་མོ་རྒྱན་དང་འཁོར་ལོས་འཁྲིགས།། དེ་དབུས་རང་སྔགས་འཁོར་ལོ་ཅན།། གཉིས་མེད་དོན་ལྡན་རྣལ་འབྱོར
212b3 པས།། བསྒོམས་ན་འཁོར་ལོ་ཅན་དུ་འགྱུར།། མཁའ་དབྱིངས་དག་པའི་དབུས་སུ་ནི།། རིན་ཆེན་འབྱུང་ལྡན་དཀྱིལ་འཁོར་ནི།། རིན་ཆེན་རྒྱན་དང་རིན་ཆེན་འཁྲིགས།། དེ་དབུས་རང་སྔགས་རིན་པོ་ཆེ།། རྣལ་འབྱོར
212b4 བློ་མཆོག་ལྡན་པ་དེས།། བསྒོམས་ན་རིན་ཆེན་འབྱུང་ལྡན་འགྱུར།། མཁའ་དབྱིངས་དག་པའི་དབུས་སུ་ནི།། འོད་དཔག་མེད་པའི་དཀྱིལ་འཁོར་བསྒོམ།། རོལ་མོ་རྒྱན་དང་པདྨ་འཁྲིགས།། དེ་དབུས་འོད་དཔག་མེད
212b5 པ་བསྒོམ།། རང་སྔགས་པདྨ་དག་པ་བསྐྱེད།། བསྒོམས་ན་པདྨ་ཅན་དུ་འགྱུར།། མཁའ་དབྱིངས་དག་པའི་དབུས་གནས་པར།། ལས་ཀྱི་དཀྱིལ་འཁོར་བསྒོམ་པར་བྱ།། རོལ་མོ་རྒྱན་དང་སྣ་ཚོགས་འཁྲིགས།། དེ
212b6 དབུས་རང་སྔགས་རལ་གྲི་ཅན།། རྣལ་འབྱོར་བློ་དང་ལྡན་པ་དེས།། བསྒོམས་ན་ལས་ཀྱི་སེམས་དཔར་འགྱུར།། མཁའ་དབྱིངས་དག་པའི་དབུས་སུ་ནི།། སངས་རྒྱས་ཀུན་གྱི་དཀྱིལ་འཁོར་བསྒོམ།། རོལ་མོ་སྣ
iiif viewer powered by OpenSeadragon
