| e-texts navigator |
| Wylie |
212a1 པ་བརྩམ།། བསྟོད་དང་ཁྲུས་གསོལ་རིམ་པར་བྱ།། ཞལ་བསྲོ་བརྟན་བཞུགས་སྨོན་ལམ་གདབ།། བཀྲ་ཤིས་པ་ཡི་ཚིགས་བཅད་བརྗོད།། ཆོས་ཀྱི་སྦྱིན་པ་རྒྱ་ཆེར་བཏང་།། ཡོངས་སུ་རྫོགས་པའི་མཆོད
212a2 པ་བྱའོ།། དེ་ནས་རྡོ་རྗེ་ཆོས་ཀྱིས་བཅོམ་ལྡན་འདས་གསང་བ་མཆོག་གི་བདག་པོ་ལ་བལྟས་ཏེ་འདི་སྐད་ཅེས་གསོལ་ཏོ།། བཅོམ་ལྡན་དགྱེས་ཆེན་གསང་གསུམ་བདག། བརྙན་མའི་དཀྱིལ་འཁོར་ལ་སོགས
212a3 པ།། བྱས་ཤིང་འདི་ལ་རྟག་གནས་ན།། འདི་དོན་འབྲས་བུ་ཇི་ལྟར་འགྱུར།། བཅོམ་ལྡན་གསང་མཆོག་དགྱེས་ཆེན་གྱིས།། རྡོ་རྗེ་ཆོས་ཀྱི་ཚིག་གསན་ནས།། གསུང་ནི་འདི་སྐད་བཀའ་སྩལ་ཏོ།། ས་ཡི་འདུ་བ་བྱས་པ
212a4 དང་།། རྡོ་རྗེའི་ཐིག་གདབ་ཚོན་རྩི་ཡིས།། བརྙན་མའི་དཀྱིལ་འཁོར་ཐམས་ཅད་ཀུན།། རྣལ་འབྱོར་བློ་དང་ལྡན་པས་ནི།། ལས་དེ་དག་ལ་འཇུག་མི་བྱ།། གལ་ཏེ་ཞུགས་པར་གྱུར་ན་ནི།། དངོས་གྲུབ་འབྲས་བུ་ཟག
212a5 རིང་འགྱུར།། དེ་བས་རྣལ་འབྱོར་ཏིང་འཛིན་བསྒོམ།། མཁའ་མཉམ་རྡུལ་བྲལ་ངོ་བོའི་དབྱིངས།། འབྱུང་བའི་དཀྱིལ་འཁོར་དབང་ཆེན་རྣམས།། གསལ་ལ་དག་ཅིང་དྲི་མེད་བསྒོམ།། བྷཾ་ལས་གྱུར་ཅིང་གཞལ་ཡས
212a6 རྫོགས།། རྡོ་རྗེ་མེ་འོད་འབར་བས་འཁྲིགས།། རྒྱན་དང་སྟན་རྫོགས་བལྟས་གསལ་བ།། དེར་ནི་སྔགས་ཀྱི་བདག་པོར་བསྒོམ།། བསྟོད་དང་མཆོད་པ་ལ་སོགས་པ།། རིམ་པ་མ་ལུས་ཡོངས་རྫོགས་བསྒོམ།། མཁའ
iiif viewer powered by OpenSeadragon
