| e-texts navigator |
| Wylie |
209b1 མཛེས་པའི་གོས་གོན་དང་།། ཕྱི་ནང་ཆོས་ལ་ཉན་སེམས་དང་།། གླེགས་བམ་ཆོས་ཀྱི་སྦྱིན་པ་གཏོང་།། མི་འོས་པ་ཡི་སྒྲ་ཐོས་དང་།། ས་དང་ཤིང་དང་རྡོ་དག་དང་།། སྔོན་མ་ཐོས་པའི་སྒྲ་རྣམས་ཀུན།། བདག་གི་ཐོས
209b2 པར་རྨི་བ་དང་།། རིན་ཆེན་ལག་ཏུ་ཐོགས་པ་དང་།། དེ་ཡིས་སེམས་ཅན་སྐོང་བ་དང་།། བདག་ཉིད་ཡོངས་སུ་ཚིམས་རྨི་བ།། རིན་ཆེན་རིགས་ཀྱི་དབང་ཐོབ་རྟགས།། པདྨའི་སྟན་ལ་འདུག་པ་དང་།། པདྨའི་རྫིང་ན
209b3 བརྩེ་བ་དང་།། པདྨའི་འབྲས་བུ་ཟ་བ་དང་།། པདྨའི་རྩ་བ་བརྐོ་བ་དང་།། ཤེས་རབ་ཕ་རོལ་ཕྱིན་པ་ཡི།། དོན་ལ་དཔྱོད་ཅིང་གླེགས་བམ་རྙེད།། དེ་དོན་གཞན་ལ་འཆད་ཅིང་སྟོན།། འགྲོ་བ་རིགས་དྲུག་སེམས་ཅན
209b4 ལ།། ཇི་ལྟར་འཚམས་པའི་ཆོས་འཆད་དང་།། ཕྱོགས་བཅུའི་སངས་རྒྱས་སྲས་བཅས་ཀྱིས།། བདག་ལ་བསྐོར་བ་རྨི་བ་དང་།། པདྨ་ལག་པར་བཅངས་པ་དང་།། པདྨའི་ཁང་པར་ཞུགས་རྨི་བ།། འོད་དཔག་མེད་པའི
209b5 དབང་ཐོབ་རྟགས།། ཕྱི་ནང་ལས་ལ་འཇུག་པ་དང་།། རོ་ཡི་ཕུང་པོར་ཞུགས་པ་དག། ལུས་ལ་མེ་འབར་རྨི་བ་དང་།། རལ་གྲི་རྣོན་པོས་གཅོད་པ་རྨི།། རི་རབ་གླིང་བཞི་བཅས་པ་རྣམས།། བདག་གི་ལག་ཐོགས་རྨི
209b6 བ་དང་།། ཉི་ཟླ་ལག་པར་ཐོགས་ནས་ནི།། སེམས་ཅན་རྣམས་ཀྱི་དོན་བྱེད་རྨི།། འཇིག་རྟེན་པ་ཡིས་ལོངས་སྤྱོད་ལ།། བྲེལ་བ་མེད་པར་སྤྱོད་པ་དང་།། གཡུལ་འགོག་དགྲ་རྣམས་བསད་རྨི་དང་།། གཡུལ་ལས་ཤིན་ཏུ
iiif viewer powered by OpenSeadragon
