| e-texts navigator |
| Wylie |
197b1 ཆུབ་སེམས་དཔའ་རྣམས་རང་རང་གི་ལུས་ངག་ཡིད་གསུམ་ལ་སེམས་ནས་ཅང་མི་སྨྲ་བར་གྱུར་ཏོ།། དེ་ནས་རྡོ་རྗེ་ཆོས་ཀྱིས་རྟོགས་ཚད་འདི་གསུངས་སོ།། ཨེ་མ་ཧོ་བདེ་གཤེགས་བཅོམ་ལྡན་འདས།། དུས་གསུམ
197b2 རྒྱལ་བ་ཐམས་ཅད་ཀྱི།། ཆོས་སྐུ་བྱང་ཆུབ་སེམས་ལས་བྱུང་།། རྒྱུ་ཡི་དུས་ན་དེ་ཉིད་གསལ།། རིག་པ་རིམ་པར་གསལ་བྱས་ཏེ།། མ་བཅོས་དོན་དམ་ངོ་བོ་ཉིད།། སྤྲོས་བྲལ་བརྗོད་ལས་འདས་པའི་སེམས།། ནམ
197b3 མཁའ་རྡུལ་དང་བྲལ་བ་སྟེ།། དཔེས་ཀྱང་དེ་ལ་མཚོན་མི་ནུས།། རྟོགས་པར་དཀའ་བའི་སྙིང་པོ་འདི།། རབ་ཏུ་མི་རྟོག་གནས་མེད་པའོ།། ཞེས་གསུངས་སོ།། དེ་ནས་ཡང་བཅོམ་ལྡན་འདས་མི་བསྐྱོད་པས།། བྱང
197b4 ཆུབ་སེམས་རྟོགས་པའི་ཚད་འདི་གསུངས་སོ།། ཨེ་མ་ཧོ་བདེ་གཤེགས་བཅོམ་ལྡན་འདས།། དུས་གསུམ་སངས་རྒྱས་རྣམས་ཀྱི་ཐུགས།། དམིགས་པ་མེད་ལས་ཐམས་ཅད་བསྐྱེད།། དེ་རྫོགས་སྔགས་ཀྱི་དོན་རབ
197b5 གསལ། བྱང་ཆུབ་སེམས་རྫོགས་བདེ་བའི་གནས།། གཟུང་འཛིན་རྣམ་སྤངས་རིག་པར་གསལ།། གསལ་ལ་དྲི་མེད་རྒྱལ་བའི་བཀའ།། དེ་རྫོགས་ངོ་བོ་གཉིས་མེད་སྐུ།། ཚིག་དང་ཡི་གེ་སྒྲ་ལས་འདས།། བརྗོད་མེད
197b6 བརྗོད་བྲལ་དོན་གྱི་མཆོག། བསམ་དང་བྲལ་བའི་སེམས་ཉིད་ནི།། རང་གི་ངོ་བོ་མ་སྐྱེས་པའོ།། ཞེས་གསུངས་སོ།། དེ་ནས་ཡང་རྣམ་པ་ཐམས་ཅད་མཁྱེན་པའི་བཅོམ་ལྡན་འདས་རྣམ་པར་སྣང་མཛད་ཀྱིས།། བྱང
iiif viewer powered by OpenSeadragon
