| e-texts navigator |
| Wylie |
196b1 གསུངས་ཤིང་།། ད་ལྟའི་རྒྱལ་བས་མི་གསུང་ལ།། ཕྱིས་ཀྱང་གསུང་བར་མི་འགྱུར་རོ།། དུས་གསུམ་སངས་རྒྱས་རྣམས་ཀྱིས་ཀྱང་།། རབ་ཏུ་གསུངས་པར་དཀའ་བ་ཡིན།། མ་བཅོས་པ་ཡི་ཁོ་ན་ཉིད།། སེམས་ཀྱི
196b2 མཚན་ཉིད་མེད་པའི་ཕྱིར།། སྣོད་དུ་གྱུར་པ་དཀོན་པ་ཡིན།། ཞེས་གསུངས་ནས།། སེམས་དཔའ་ཆེན་པོ་ཁྱོད་ཉིད་ཀྱིས་སེམས་ལ་དྲིས་ཤིག་ཅེས་བཀའ་སྩལ་ནས་ཅང་མི་གསུང་བར་བཞུགས་སོ།། དེ་ནས་འཁོར་གྱི
196b3 དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཆོས་ལ་བཀའ་སྩལ་པ། བྱང་ཆུབ་སེམས་དཔའ་ཆེན་པོ་ཁྱོད་ཉིད་ནི་དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་ཡང་དག་པ་ཡིན་པས་ན་བཅོམ་ལྡན་འདས་ལ་ཞུ
196b4 བར་ཡང་སྤོབས་པར་འགྱུར་བ་ཡིན་པས་བཅོམ་ལྡན་འདས་གསང་བ་མཆོག་གི་བདག་པོ་གཉིས་སུ་མེད་པ་ལ་མངའ་བརྙེས་པ་ནི་ཐེ་ཚོམ་ཐམས་ཅད་གཅོད་པ་ཡིན་པས་ཁྱོད་ཀྱིས་ཀྱང་ཐེ་ཚོམ་དང་སོམ་ཉིར་གྱུར
196b5 པ་ཐམས་ཅད་ཞུས་ཤིག། ཡང་ནས་ཡང་དུ་ཞུས་ཤིག། གསང་བའི་བདག་པོ་ནི་སྣོད་ཀྱི་རིམ་པ་ཇི་ལྟ་བར་ཆོས་སྟོན་པར་མཛད་ཅིང་བྱང་ཆུབ་སེམས་དཔའ་བློ་དམན་ཞིང་སེམས་ཞུམས་པ་རྣམས་ལ་ཡང་བྱིན་གྱིས
196b6 བརླབ་པོ་ཞེས་བཀའ་སྩལ་པ་དང་། རྡོ་རྗེ་ཆོས་ཀྱིས་འཁོར་རིགས་ལྔའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བསྐུལ་བ་ཐུགས་སུ་ཆུད་དེ་འཁོར་གྱི་བྱང་ཆུབ་སེམས་དཔའ་བློ་དམན་པ་གྲངས་མེད་པ
iiif viewer powered by OpenSeadragon
