| e-texts navigator |
| Wylie |
196a1 བ། ཀི་ལ་ཡ་བཅུ་གཉིས་ཀྱི་མདོ་ལས། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་ཆོས་རང་གི་སྟན་ལས་ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ། ཕྱི་ནང་གསང
196a2 བ་གསུམ་གྱི་མཆོད་པ་རྒྱ་ཆེན་པོས་མཆོད་ཅིང་བསྟོད་པ་བྱས་ནས། ལན་བརྒྱ་སྟོང་དུ་བསྐོར་བ་བྱས་ནས་ཕྱག་འཚལ་ནས་འདི་སྐད་ཅེས་གསོལ་བ་བཏབ་བོ།། ཨེ་མ་ཧོ་བདེ་གཤེགས་བཅོམ་ལྡན་འདས།། གསང
196a3 གསུང་དོན་གྱི་བདག་ཉིད་གཙོ།། སྟོང་པ་རྣམ་དག་ཀུན་གྱི་མཛོད།། མ་བཅོས་སྤྲོས་མེད་སྙིང་པོའི་སྐུ།། དངོས་མེད་བྱང་ཆུབ་སེམས་ཀྱི་བདག། སངས་རྒྱས་ཀུན་གྱི་གཙོར་གྱུར་པ།། སྔགས་ཀྱི་བདག་པོ་ཁྱོད་ལ
196a4 འདུད།། ཨེ་མ་ཧོ་སངས་རྒྱས་བཅོམ་ལྡན་འདས།། དཀྱིལ་འཁོར་རྣམས་ཀྱི་དེ་ཉིད་དོན།། བྱང་ཆུབ་སེམས་ཀྱི་མཚན་ཉིད་དང་།། མ་བཅོས་སྙིང་པོའི་དོན་རྣམས་ཀུན།། བདག་ཅག་འཁོར་ལ་བཤད་དུ་གསོལ།། ཞེས
196a5 ཞུས་པ་དང་། དེ་ནས་གསང་བ་མཆོག་གི་བདག་པོ་དེས། རྡོ་རྗེ་ཆོས་ལ་བཀའ་སྩལ་པ། སེམས་དཔའ་ཆེན་པོ་ཉོན་ཅིག། ཁྱོད་ཀྱིས་ཞུམས་པའི་སེམས་མ་ཡིན་པར། སྤོབས་པ་བསྐྱེད་ནས་ཞུས་པ་ལེགས་སོ་ལེགས
196a6 སོ།། དཀྱིལ་འཁོར་རྣམས་ཀྱི་དེ་ཉིད་ནི།། གསང་བའི་དོན་ལས་བྱུང་བ་ཡིན།། དོན་དམ་ཀུན་རྫོབ་གཉིས་ཡོད་དེ།། མཁས་པ་རྣམས་ཀྱིས་རིག་པར་བྱ།། བྱང་ཆུབ་སེམས་ཀྱི་དེ་ཉིད་ནི།། སྔོན་གྱི་རྒྱལ་བསམ
iiif viewer powered by OpenSeadragon
