| e-texts navigator |
| Wylie |
195b1 སྙིང་པོ་འདི་ཕྱུང་ངོ་།། ཨ་ཨཱ། ཨི་ཨཱི། ཨུ་ཨཱུ། འདི་ཕྱུང་མ་ཐག་ཏུ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད། སོ་སོའི་མཚན་ཉིད་ཀྱི་བྱེ་བྲག་ལ་གནས་པར་གྱུར་ཏོ།། དེ་ནས་ཡང་གསང་བ་མཆོག་གི
195b2 བདག་པོ་དེས་སྐུ་གསུང་ཐུགས་ཀྱི་གསང་བ་ལས་རིག་པའི་སྔགས་འདི་ཕྱུང་ངོ་།། ཨོཾ་མུ་ནེ་ཀྲྀ་སྭཱ་ཧཱ། ཨོཾ་མུ་ནེ་ཧཱུཾ་ཧཱུཾ་སྭཱ་ཧཱ། ཨོཾ་མུ་ནེ་སུཾ་སྭཱ་ཧཱ། ཨོཾ་མུ་ནེ་པྲཾ་སྭཱ་ཧཱ། ཨོཾ་མུ་ནེ་ཀྵཾ་སྭཱ་ཧཱ། ཨོཾ་མུ་ནེ་ཡེ་སྭཱ་ཧཱ། འདི་ཕྱུང་མ་ཐག
195b3 ཏུ་ཐུབ་པ་ཆེན་པོ་དྲུག་གི་སོ་སོའི་སྐུ་རུ་འཐོན་ཏེ་འདི་སྐད་ཅེས་གླེངས་སོ།། ཨེ་མ་ཧོ་སངས་རྒྱས་ཐམས་ཅད་ཀྱི།། བདེ་བ་ཆེན་པོའི་ཆོས་སྐུ་ལས།། འགྲོ་དྲུག་ཇི་ལྟར་འདུལ་བ་ཡི།། སྦྲུལ་སྐུར་བསྟན་པ་རྫོགས
195b4 པའོ།། ཞེས་གླེངས་ཏེ་ཁྱམས་ལ་བཞུགས་པར་གྱུར་ཏོ།། དེ་ནས་ཡང་གསང་བ་མཆོག་གི་བདག་པོ་དེས་རྣམ་པའི་མཆོག་དང་ལྡན་པའི་ཏིང་ངེ་འཛིན་ལ་སྙོམས་པར་ཞུགས་ནས་ཆེད་དུ་བརྗོད་པ་འདི་གསུངས་སོ།། ང
195b5 ཡི་དཀྱིལ་འཁོར་གསང་བའི་མཆོག། ཐམས་ཅད་ཀུན་ལ་ཁྱབ་ཆེན་པོ།། འདི་བསྒྲུབ་ལས་གང་འགྲུབ་པར་འགྱུར།། ཐམས་ཅད་འཇོམས་པའི་ཕུར་པ་ཡིན།། ཞེས་གསུངས་སོ།། དཀྱིལ་འཁོར་གནས་རྣམས་ཐམས
195b6 ཅད་ཀུན།། ཇི་ལྟ་བ་ཡི་བསམ་རྫོགས་པ།། འགྲོ་རྣམས་བཀོད་པ་ཇི་ལྟ་བར།། དེ་འདྲར་བདེ་ཆེན་གསང་བདག་མཛད།། རྒྱུད་ཀྱི་རྒྱལ་པོའི་ཡང་རྒྱལ་པོ། དེ་བཞིན་གཤེགས་པ་ཐམས་ཅད་ཀྱི་གསང་བའི་ཡང་གསང
iiif viewer powered by OpenSeadragon
