| e-texts navigator |
| Wylie |
179a1 ཆེན་པོ་རྡོ་རྗེ་ཆོས་དང་། བཙུན་མོ་སྟོང་པ་དང་བཅས་པ་གཉིས་སུ་མེད་པའི་ཚུལ་དུ་རྣམ་པར་དག་པའི་རང་བཞིན་གྱིས། བཅོམ་ལྡན་འདས་ཀྱི་སྤྱན་སྔ་ན་རབ་ཏུ་མཛེས་པའི་ཚུལ་བཟུང་ནས། བཀའ
179a2 ནོད་ཅིང་སྤོབས་པ་ཅན་དུ་བཞུགས་སོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། ཕྱི་དང་ནང་དང་སྣང་བ་ཐམས་ཅད་ལ་མ་བཅོས་པའི་སྤྱན་གྱིས་སོ་སོའི་བྱེ་བྲག་གིས་དབང་དུ་གཟིགས
179a3 སོ།། དེ་བཞིན་དུ་བྱང་ཆུབ་སེམས་དཔའི་ཁྱད་པར་དུ་ཡང་གཟིགས་སོ།། དེ་བཞིན་དུ་ཕྱོགས་བཅུའི་རྒྱལ་བ་སངས་རྒྱས་ལ་གྲངས་མེད་ཅིང་བགྲང་བ་ལས་འདས་པའི་དུས་གསུམ་གྱི་སངས་རྒྱས་ལ་ཡང་གཟིགས
179a4 སོ།། སྤྱན་རྣམ་པར་དག་པའི་རྫུ་འཕྲུལ་གྱིས། ཀུན་ལ་ཁྱབ་ཅིང་སོ་སོའི་བྱེ་བྲག་ཏུ་གཟིགས་སོ།། རྣམ་པར་གཟིགས་སོ།། རྣམ་པར་གཟིགས་ནས། ཆོས་ཐམས་ཅད་མ་བཅོས་པའི་དེ་བཞིན་ཉིད་ལ་མནལ་ཏེ། སྒྲ
179a5 བསམ་ལས་འདས་པ། གང་གི་ངོ་བོར་ཡང་གྲུབ་པ་མ་ཡིན་ཅིང་། བཅོས་པ་མ་ཡིན་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བཅོས་མ་ཡིན་པར
179a6 གྱུར་པ་ནི། དེས་ནམ་མཁའི་མཚན་ཉིད་ཀྱིས་ཀྱང་དཔག་ཏུ་རུང་བ་མ་ཡིན་པའོ།། དེ་ནས་ཡུམ་སངས་རྒྱས་སྤྱན་གྱིས་བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་བཅོས་མ་མ་ཡིན་པ་ལ་མནལ་བཞིན
iiif viewer powered by OpenSeadragon
