| e-texts navigator |
| Wylie |
178a1 རྒྱ་གར་སྐད་དུ། ཀཱི་ལ་ཡ་དཱ་ད་ཤ་ཏནྟྲ་མ་ཧཱ་ཡཱ་ན་སཱུ་ཏྲ། བོད་སྐད་དུ། ཕུར་པ་བཅུ་གཉིས་ཀྱི་རྒྱུད་ཅེས་བྱ་བ་ཐེག་པ་ཆེན་པོའི་མདོ། བམ་པོ་ཐོག་མ་ཟུག་པ། དཔལ་བདེ་བ་ཆེན་པོ་ལ་ཕྱག་འཚལ
178a2 ལོལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གསང་བ་གསུམ་གྱི་བདག་པོ། སྤྲོས་པ་མེད་པའི་བྱང་ཆུབ་ཀྱི་སེམས་རྡོ་རྗེ། ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ
178a3 རྣམ་པར་དག་པའི་བདག་ཉིད། གཉིས་སུ་མེད་པ་ལས་བྱུང་བའི་པདྨ་ཆེན་པོ། སྤྲོས་པ་དང་བྲལ་བའི་གསུང་རྡོ་རྗེ་ལྟ་བུ་ལ་མངའ་བརྙེས་པ།། ཡིད་བཞིན་གྱི་ནོར་བུ་རིན་པོ་ཆེ། ཐམས་ཅད་འབྱུང་བའི་རྒྱལ
178a4 པོས་ཐམས་ཅད་ལ་རྒྱས་པར་མཛད་པ། ཕྲིན་ལས་ཐམས་ཅད་ཡོངས་སུ་རྫོགས་པའི་མངའ་བདག་གིས་རྒྱལ་པོ། དམ་ཚིག་ཐམས་ཅད་ཉེ་བར་སོན་པའི་བདག་པོ་གསང་བ་གཉིས་སུ་མེད་པའི་སྔགས་ལ་མངའ
178a5 བརྙེས་པ། གསང་བ་བཞིའི་ངོ་བོ་ཉིད་དུ་གྱུར་པའི་རྒྱལ་པོ། ཉོན་མོངས་པ་རྣམས་རབ་ཏུ་འཇོམས་ཤིང་རྣམ་པར་དག་པའི་བདག་ཉིད། སྐུ་གསུང་ཐུགས་ཡོན་ཏན་ཕྲིན་ལས་ལྔས་ཀུན་ཏུ་འདུལ་བའི་སྒོ་ཡངས་པར
178a6 མཛད་པ། དུས་གསུམ་གྱི་ཆོས་ཐམས་ཅད་མ་ལུས་མི་ལུས་ལུས་པ་མེད་པའི་མངའ་བདག། རོལ་པའི་མཛད་སྤྱོད་རྫུ་འཕྲུལ་རྣམ་པ་སྣ་ཚོགས་པར་སྤྲུལ་ནས་སེམས་ཅན་གྱི་དོན་མཛད་པ་ལ་མངའ་བརྙེས་པ་ནི། འོག
iiif viewer powered by OpenSeadragon
