| e-texts navigator |
| Wylie |
177b1 བཞིན་གཤེགས་པ་རྣམས་དང་། བྱང་ཆུབ་སེམས་དཔའི་ཚོགས་ཀུན་དང་། ལྷ་དང་མི་ལ་སོགས་པ་རྣམས་ཤིན་ཏུ་དགའ་ཞིང་གུས་པའི་སྒོ་ནས། ངོ་མཚར་གྱི་ཚིག་གིས་བསྟོད་ཅིང་། ཕྱག་འཚལ་ཞིང་མཆོད་པས་ཞིང
177b2 ཁམས་ཐམས་ཅད་གང་བར་སྤྲུལ་ཏེ། སྟོན་པ་དང་བདུད་རྩིའི་སྙིང་པོ་གཉིས་སུ་མེད་པར་སྤྱི་བོས་བླངས་སོ།། རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། ཉེ་བར་བསྡུས་པའི་ཚུལ་བསྟན་པ་སྟེ
177b3 རིམ་པར་ཕྱེ་བ་བརྒྱད་པའོ།། །། རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ་ལས། སངས་རྒྱས་ཐམས་ཅད་ཀྱི་གསང་བའི་བདུད་རྩི་ཉེ་བར་བསྡུས་པའི་ཚུལ་གྱིས་བསྟན་པ་སྟེ། ཐམས་ཅད་རྫོགས
177b4 པའི་གནས་འཇུག་པ་རྫོགས་སོ།། རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི་ལོ་ཙཱ་བ་གཉིགས་ཛྙཱ་ན་ཀུ་མཱ་རས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
iiif viewer powered by OpenSeadragon
