| e-texts navigator |
| Wylie |
177a1 སེམས་འཇམ་དཔལ་རྣོན་པོ་དང་།། གསང་བདག་རྡོ་རྗེ་ཆོས་ལ་གཏད།། དུས་གསུམ་ཐམས་ཅད་མཁྱེན་པའི་མཆོག། སངས་རྒྱས་ཀུན་གྱི་གསང་བའི་མཛོད།། བདུད་རྩི་རོལ་པའི་རྒྱུད་ཆེན་འདི།། དད
177a2 བརྩོན་གུས་པར་གཟུང་བར་གྱིས།། ཇི་སྙེད་ཆོས་རྣམས་ཐམས་ཅད་ཀྱི།། ཡོན་ཏན་བརྗོད་པའི་དཔེ་ཀུན་གྱིས།། སྣ་ཚོགས་ཕྱོགས་རྣམས་བཀང་བྱས་ཏེ།། དེ་དག་བགྲང་ཞིང་ཤེས་ཀུན་ཀྱང་།། ཡང་དག་དོན་འདི
177a3 མཚོན་པ་གང་།། ཇི་ལྟར་ནམ་མཁའི་དཀྱིལ་འཁོར་དང་།། རྒྱ་མཚོ་ཆེན་པོའི་གནས་རྣམས་དག། ཀུན་ཏུ་རྟོགས་པར་ནུས་གྱུར་ཀྱང་།། ཡང་དག་དོན་འདི་དཔེ་ལས་འདས།། ནོར་བུ་རིན་ཆེན་མཐའ་ཡས་སྒོ།། གྲངས
177a4 མེད་སྟོང་གསུམ་བཀང་བྱས་པས།། ཡོན་ཏན་ཆེན་པོའི་ཕྱོགས་ཆ་ཡང་།། ཚད་གཟུང་སྟོན་པར་མི་ནུས་སོ།། དུས་ཀུན་འཕེལ་དང་འགྲིབ་མེད་པའི།། བདུད་རྩི་གསང་བའི་དཀྱིལ་འཁོར་ཉིད།། དུས་གསུམ་སྟོན་པས
177a5 གྲོལ་བྱེད་པ།། དེ་དག་བྱིན་རླབས་མཐའ་ཡས་ཏེ།། ངོ་བོ་ཉིད་ཀྱི་མཐུ་དག་དང་།། རང་བཞིན་བདག་ལ་གནས་པའི་ཆོས།། གསང་སྔགས་ཕྱག་རྒྱའི་ཏིང་འཛིན་དང་།། དཀྱིལ་འཁོར་རྒྱུད་རྣམས་གཟུང་བར
177a6 བྱོས།། རི་ལུ་ལྕགས་གསུམ་དཀྲིས་པ་དག། དངོས་གྲུབ་ཀུན་གྱི་དོན་ཕྱིར་བཅངས།། སྤྱི་གཙུག་མགུལ་ལ་སོགས་པར་གནས།། ཕྱག་རྒྱས་བསྲུང་ཞིང་བསྟོད་པར་བྱ།། ཞེས་རྒྱ་ཆེར་གསུངས་སོ།། དེ་ནས་འཁོར་གྱི་དེ
iiif viewer powered by OpenSeadragon
