| e-texts navigator |
| Wylie |
176b1 པོའི་གནས་བཞུགས་པའོ།། བདུད་རྩི་ཆེན་པོའི་དཀྱིལ་འཁོར་ལས།། ཕྱི་ནང་འབྱུང་ཚོགས་བསམ་ཡས་ཀུན།། རིགས་ཀྱི་སྤྲུལ་པས་རྣམ་བཀོད་ཅིང་།། བྱིན་རླབས་མཐུ་ཡིས་གསང་བའི་མཆོག། ཁ་དོག་དབྱིབས
176b2 དང་མཚན་མ་མེད།། འགྲོ་བ་མེད་ཅིང་བྱ་བ་མེད།། རྩོལ་བ་མེད་ཅིང་བརྟེན་པ་མེད།། བདུད་རྩི་ཆེན་པོར་བརྗོད་དུ་མེད།། ཉོན་མོངས་དུག་བཅས་དུག་གཞི་བཅོམ།། དྲི་མེད་དག་པའི་བྱང་ཆུབ་སེམས།། སངས་རྒྱས
176b3 ཀུན་གྱི་སྤྱོད་ཡུལ་འདི།། ངེས་པའི་དོན་ལ་མཉམ་པར་སྦྱོར།། ནམ་མཁའི་མཚན་ཉིད་སངས་རྒྱས་ཀུན།། ཕྱི་ནང་བདུད་རྩིའི་རང་བཞིན་ཏེ།། དེ་དག་རྣམ་པར་སྤྲུལ་བྱས་ནས།། ཐམས་ཅད་དོན་ཀུན་མཚན་མར
176b4 འཛིན།། དེ་བཞིན་རྟོགས་པས་གྲོལ་བའི་ཕྱིར།། རང་བཞིན་ཉེ་བར་སྦྱངས་པའི་སྟོབས།། ཐམས་ཅད་སངས་རྒྱས་ཚོགས་རྣམས་ཀྱིས།། བདུད་རྩི་ཆེན་པོའི་དོན་བཤད་འཚལ།། དུས་རྣམས་ཀུན་ཏུ་བཟུང་བ
176b5 དང་།། གཞན་ལ་རྒྱ་ཆེར་སྟོན་བྱེད་པ།། དེ་ཉིད་རྡོ་རྗེ་ཀུན་ཏུ་བཟང་།། སྲས་ཀྱི་དམ་པར་རབ་བསྔགས་པའོ།། དེ་ནས་བྱང་ཆུབ་སེམས་དཔའི་ཚོགས།། ཕྱོགས་རྣམས་ཀུན་ནས་འདུས་པ་དང་།། ལྷ་ཀླུ་གནོད་སྦྱིན་མི
176b6 ལ་སོགས།། རྣལ་འབྱོར་དྲང་སྲོང་ཆེ་རྣམས་ལ།། སངས་རྒྱས་ཀུན་གྱིས་བསྟན་པའི་དོན།། ཉེ་བར་གདམས་པས་སྟོན་པར་མཛད།། དེ་ཉིད་བསྟན་པའི་རྒྱུད་ཆེན་འདི།། ཐམས་ཅད་གཅིག་ཏུ་བསྡུས་པའི་མཆོག། བྱང
iiif viewer powered by OpenSeadragon
