| e-texts navigator |
| Wylie |
14b1 འགྱུར།། ཨེ་མའོ་བདེ་བ་ཡེ་ཤེས་ཆེ།། འདི་ནི་ཡེ་ཤེས་སྐུ་འདི་ལ།། གནོད་བྱེད་པ་ནི་བསྟེན་བྱེད་ཅིང་།། འདི་ཡི་ཚུལ་གྱིས་ཐོབ་པར་འགྱུར།། ཁམས་གསུམ་མཆོག་གི་དཀྱིལ་འཁོར་འདིར།། འདི་ལས་རྒྱ་ཆེན་གཞན
14b2 མེད་དོ།། སྒྲུབ་པ་པོ་དང་སེམས་ཅན་ཀུན།། ཚེ་འདི་ཉིད་ལ་སངས་རྒྱས་འགྲུབ།། ཆེ་མཆོག་ཧེ་རུ་ཀ་གསང་བ་འདི་བཅོམ་ལྡན་འདས་དམ་ཚིག་གི་དཀྱིལ་འཁོར་རྒྱས་པ་མཆོག་ཏུ་གསང་བ་ལས་དེ་བཞིན་གཤེགས
14b3 པ་ཐམས་ཅད་ཀྱི་རྡོ་རྗེ་བཙུན་མོ་རྣམས་ཀྱི་གསང་བ་ཆེན་པོ་རྣལ་འབྱོར་མ་དབང་ཕྱུག་ཆེན་མོ་རྣམས་ཀྱིས་མཆོག་ཏུ་གསང་བའི་དཀྱིལ་འཁོར་གྱི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་དེ་བཞིན
14b4 གཤེགས་པ་ངོ་མཚར་དུ་གྱུར་ཏེ། དགྱེས་པའི་ཡིད་ཆེས་པ་དང་། མགུ་བ་དང་། ཡིད་དགའ་བ་སྐྱེས་ནས་ཤིན་ཏུ་དགྱེས་པ་ཆེན་པོ་རྡོ་རྗེ་བཞད་པས་མཛད་ཅིང་། ཡང་ཧེ་རུ་ཀའི་སྐུ་མདོག་ནི་སྣ་ཚོགས་པའོ།། བཅོམ
14b5 ལྡན་འདས་ཆེ་མཆོག་ཧེ་རུ་ཀ་ཞབས་བརྒྱད་ཕྱག་མཚན་སྣ་ཚོགས་པའོ།། དེ་ལས་སྤྲོས་ནས་ཕྱག་སྟོང་སྤྱན་སྟོང་གིས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བསམ་གྱིས་མི་ཁྱབ་པ་ན།། ཤིན་ཏུ་མི་སྲུན
14b6 པས་གདུག་པ་ང་རྒྱལ་ཆེ་ཞིང་དྲེགས་པ་ཅན་ཐམས་ཅད་ལ་བཛྲ་ཛ་ལིའི་སྒྲ་སྣ་ཚོགས་འོད་ཟེར་དུ་གྱུར་ཏེ། དེ་ལས་སྤྲོས་པས་རིགས་བཞི་ཧེ་རུ་ཀ་དྲེགས་པ་ཅན་ཐམས་ཅད་ཚར་གཅོད་པའི་ཕྱིར། རཀྵ་ཧེ་རུ་ཀ་ཉོན
iiif viewer powered by OpenSeadragon
