| e-texts navigator |
| Wylie |
117a1 ཕྲེང་བ་པི་ཝང་དང་།། གར་གྱིས་ཕྱོགས་བཅུར་མཉེས་མཛད་མ།། བདུག་སྤོས་མེ་ཏོག་མར་མེ་དྲི།། སྔོ་སེར་དམར་དང་ལྗང་གུའི་མདོག། རང་གི་མཚན་མཐུན་ཕྱག་རྒྱར་རོལ།། ཕྱོགས་རྣམས་ཀུན་ཏུ་སྒྲོ
117a2 བྱེད་པའོ།། སྒོར་གནས་ཁྲོ་བོའི་རྒྱལ་པོ་དག། འཇིགས་པའི་ཚུལ་གྱིས་ཡུམ་དང་བཅས།། དཀར་སེར་དམར་དང་ལྗང་གུའི་མདོག། ཞལ་གཞན་དེ་ལས་རྣམ་འགྱུར་ཞིང་།། ཕྱག་དྲུག་ཐོ་བ་དབྱུག་པ་དང་།། པདྨ་རལ
117a3 གྲི་རྡོ་རྗེ་ཆེ།། འཁོར་ལོ་དང་བཅས་རྣམ་པར་བསྒྱུར།། སྤྱན་གསུམ་ཁྲོ་གཉེར་འཇིགས་པའི་ཞལ།། ཕྱོགས་བཞི་འབྱུང་པོའི་གདན་སྟེང་དུ།། དུར་ཁྲོད་རྒྱན་གྱིས་རྣམ་པར་བརྗིད།། ཡུམ་བཞི་ལྕགས་ཀྱུ་ཞགས་པ
117a4 དང་།། ལྕགས་སྒྲོ་དྲིལ་བཅས་ཡབ་ལ་འཁྱུད།། དེ་དག་རང་གི་བདག་པོ་ཡིས།། དབང་བསྐུར་བྱིན་རླབས་རྫོགས་བཅས་པས།། སྤྲུལ་པའི་དཀྱིལ་འཁོར་གནས་རྒྱས་ཤིང་།། དག་པའི་སངས་རྒྱས་ཞིང་དུ་སྦྱོར།། ཡོན
117a5 ཏན་གྱི་དཀྱིལ་འཁོར་རྣམ་པར་འཕྲུལ་པའི་ཚུལ་སྟེ་དང་པོའོ།། །། གཞན་ཡང་རྣམ་པར་བཀོད་པ་ཡི།། ཞིང་ཁམས་གནས་གཞན་སྦྱང་བའི་ཕྱིར།། རབ་འབར་གསལ་བའི་ངོ་བོ་ཉིད།། དཀྱིལ་འཁོར་གསང
117a6 བའི་གནས་འཇུག་པས།། ཀུན་ཏུ་སྐུ་དང་གསུང་ཉིད་དང་།། ཐུགས་མཆོག་ཡོན་ཏན་ཕྲིན་ལས་ཀྱི།། བྱིན་རླབས་བསྟན་པ་ཀུན་སྤྱོད་པ།། ཐམས་ཅད་ཆོས་ཉིད་དེ་བཞིན་ཉིད།། གསང་བའི་དོན་གྱི་རྣམ་འཕྲུལ
iiif viewer powered by OpenSeadragon
