| e-texts navigator |
| Wylie |
116b1 སྣོད།། རང་གི་གསང་སྔགས་ཕྱག་མཚན་ཀྱང་།། འཕྲོ་འདུ་སེམས་དཔའ་ཆེན་པོའི་ཚོགས།། བྱམས་པ་སྟོབས་ལྡན་དགའ་བའི་དཔལ།། མྱ་ངན་མུན་སེལ་བློ་གྲོས་མཆོག། མཁས་མཛད་བརྟན་པའི་དབང་ཕྱུག
116b2 དང་།། ཆོས་ཀུན་སྐྱོང་བའི་དྲི་མེད་དཔལ།། བཟང་པོའི་རྒྱན་ཅན་ལས་སྟོབས་རྫོགས།། མི་གཡོ་ཕྱག་རྒྱའི་གཙུག་ཕུད་ཅན།། ཆོས་ཀྱི་སྙིང་པོ་གཞན་བརྩེ་བ།། དྲི་མེད་གྲགས་པ་རིན་ཆེན་ཏོག། ཞལ་གཅིག་ཕྱག
116b3 གཉིས་མཛེས་པའི་མདངས།། རིན་ཆེན་རྒྱན་ཚོགས་ན་བཟས་མཛེས།། རང་གི་དཀྱིལ་འཁོར་གནས་རྣམས་སུ།། རིགས་ཀྱི་མཚན་མས་བརྒྱན་ཏེ་གནས།། ཤར་ན་དཀར་གསལ་རྡོ་རྗེ་ཆེ།། ལྷོ་ཕྱོགས་གསེར་གྱི
116b4 འཁོར་ལོ་ཉིད།། ནུབ་ཏུ་དམར་སེར་པད་མ་རྒྱས།། བྱང་ན་ལྗང་སེར་རྒྱ་གྲམ་བརྩེགས།། རིགས་ཀྱི་མཚན་མ་ཀུན་སྤྱོད་ཅིང་།། མཁས་མཆོག་འགྲོ་བའི་དོན་མཛད་པས།། རང་འོད་ཡུམ་དང་འཁྲིལ་སྦྱོར་ཅིང་།། སྤྲུལ
116b5 པས་འགྲོ་བའི་དོན་བརྩོན་པའི།། ཕྱི་ཡི་དཀྱིལ་འཁོར་དེ་རྣམས་སུ།། རིགས་ཀྱི་མཆོད་པའི་ལྷ་མོ་དག། རང་གི་ཕྱག་རྒྱའི་ཚོགས་རྣམས་དང་། ཀུན་ཏུ་འཁྲིགས་པའི་རྣམ་པར་གནས།། སྦྲུལ་བྱེད་འབྲེལ་དང་སྔགས
116b6 དག་དང་།། ཡོ་བྱད་རྣམ་པར་འཕྲུལ་བྱ་བས།། རིགས་ཀྱི་དཀྱིལ་འཁོར་མཆོད་མཛད་ཅིང་།། བཀོད་པ་ཀུན་ནས་རྒྱ་ཆེན་སྤྲོ།། སྒེག་མོ་ཕྲེང་བ་དབྱངས་དང་གར།། དཀར་མཐིང་དམར་དང་ལྗང་གུའི་མདོག། མེ་ལོང
iiif viewer powered by OpenSeadragon
