| e-texts navigator |
| Wylie |
107b1 རོ།། །། @#།། རྒྱ་གར་སྐད་དུ། མ་ཧཱ་ཏནྟ་རཱ་ཛ་ཤྲཱི་ཨ་མྲྀ་ཏ་ལ་ལི་ཏ་ནཱ་མ། བོད་སྐད་དུ། རྒྱུད་ཀྱི་རྒྱལ་པོ་ཆེན་པོ་དཔལ་བདུད་རྩི་རོལ་པ་ཞེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང
107b2 པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ལོངས་སྤྱོད་ཆེན་པོའི་གནས་དམ་པར་གྱུར་པ་དེ་ཉིད་ཕྱོགས་བཅུའི་སངས་རྒྱས་ཐམས་ཅད་འདུས་པའི་ངོ་བོ་ཉིད་དུ་གྱུར་ཏེ། ཉིད་ཀྱི་སྣང་བ
107b3 ཡོངས་སུ་མ་འགགས་པ། རྣམ་པ་སྣ་ཚོགས་དག་གིས་མངོན་པར་བསྟོད་ཅིང་། ཐབས་དང་ཤེས་རབ་མཐའ་ཀུན་ནས་གྲོལ་བའི་མཛོད་བརྙེས་པས། ཡོན་ཏན་རིན་པོ་ཆེའི་བདག་ཉིད་ཀུན་ནས་སྐུ་སྣ་ཚོགས་དང་།
107b4 གསུང་སྣ་ཚོགས་དང་། ཐུགས་སྣ་ཚོགས་དང་། ཡོན་ཏན་སྣ་ཚོགས་དང་། ཕྲིན་ལས་སྣ་ཚོགས་ཀྱིས་གཞན་ལས་འཕགས་ཤིང་ཆོ་འཕྲུལ་གྱི་བྱ་བ་ཐབས་མཁས་པའི་སྒོ་ཐམས་ཅད་རྣམ་པ་སྣ་ཚོགས་སུ་གསལ་བར
107b5 སྟོན་པ་དེ་ཉིད། འོག་མིན་གྱི་གནས་ལྷའི་རྒྱལ་པོའི་ཁང་བཟང་དམ་པ་ན་བཞུགས་ཏེ། འོད་ཟེར་ཀྱི་སྣང་བ་མངོན་པར་འདུ་མཛད་པ་སྣ་ཚོགས་འཕྲུལ་ཞིང་། དཀྱིལ་འཁོར་ཐམས་ཅད་ཕྱོགས་ཀུན་ཏུ་རྒྱ་ཆེར་བཀོད
107b6 པར་མཛད་དོ།། དེ་ཉིད་ཀྱི་ཚེ་ན་ཕྱོགས་བཅུའི་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་རྣམས་དང་། བྱང་ཆུབ་སེམས་དཔའ་མཐའ་ཡས་པ་ཀུན་ནས་འདུས་པ་འདི་ལྟ་སྟེ། སྙིང་པོ་རྡོ
iiif viewer powered by OpenSeadragon
