| e-texts navigator |
| Wylie |
106b1 པའི་དབང་དུ་གྱུར་པས་ན།། ཐབས་ཆེན་སྤྱད་དང་མ་སྤྱད་མཐོལ་ཞིང་བཤགས།། མ་རིག་ལོག་པའི་དབང་དུ་གྱུར་པས་ན།། ཡང་དག་དོན་མ་རྟོགས་པ་མཐོལ་ཞིང་བཤགས།། སྙིང་རྗེ་ཆུང་ཞིང་ཞེ
106b2 སྡང་དབང་དུ་གྱུར་པས་ན།། འགྲོ་བའི་དོན་མ་བགྱིས་པ་མཐོལ་ཞིང་བཤགས།། ལེ་ལོ་གཉིད་ཀྱི་དབང་དུ་གྱུར་པས་ན།། བསྒོམ་དང་བསྒྲུབ་ལ་གཡེལ་བ་མཐོལ་ཞིང་བཤགས།། སེར་སྣ་འཇུར་འགེགས
106b3 དབང་དུ་གྱུར་པས་ན།། མཆོད་པ་ལོ་ཟླ་འདས་པ་མཐོལ་ཞིང་བཤགས།། ང་རྒྱལ་ཁེངས་སེམས་དབང་དུ་བསྡུས་པ་ན།། སློབ་དཔོན་སྐུ་མི་མཉེས་པ་མཐོལ་ཞིང་བཤགས།། བརྩེ་གདུང་ཆུང་བའི་དབང་དུ་གྱུར་པས
106b4 ན།། གྲོགས་མཆེད་ཐུགས་དང་འགལ་བ་མཐོལ་ཞིང་བཤགས།། ཟ་རོག་ངན་པའི་དབང་དུ་གྱུར་པས་ན།། ཕུད་དང་ལྷག་མར་གྱུར་པ་མཐོལ་ཞིང་བཤགས།། ཕུད་དང་ལྷག་མ་ཉམས་པའི་སྐྱོན་དབང་གིས།། ཕུད
106b5 ཉུལ་ཐུགས་དང་འགལ་བ་མཐོལ་ཞིང་བཤགས།། ཕུད་ཉུལ་ཐུགས་དང་འགལ་བའི་སྐྱོན་དབང་གིས།། མཁའ་འགྲོ་བཀའ་ཆད་གནས་སུ་གྱུར་པ་མཐོལ་ཞིང་བཤགས།། སྒྲོལ་བའི་དུས་སུ་སྙིང་རྗེ་ཆུང་བ
106b6 ཡིས།། སེམས་ཅན་གནས་མ་སྟོབས་པ་མཐོལ་ཞིང་བཤགས།། ཉོན་མོངས་གནས་མ་སྟོབས་པའི་སྐྱོན་དབང་གིས།། ཡུན་གྱི་སྒྲིབ་པར་གྱུར་པ་མཐོལ་ཞིང་བཤགས།། སྦྱོར་བའི་དུས་སུ་ཏིང་འཛིན་མ་གསལ
iiif viewer powered by OpenSeadragon
