| e-texts navigator |
| Wylie |
106a1 བསྟོད་པ། ཀུན་གཞི་རྣལ་འབྱོར་རྫོགས་པའི་དཀྱིལ་འཁོར་ན།། ཟབ་ཅིང་གཏིང་དཔག་དཀའ་བ་རྒྱལ་བའི་སྐུ་བཞུགས་སོ།། སྤྲུལ་པ་མང་པོས་འགྲོ་དོན་རྫོགས་པར་མཛད།། དཔལ་ཆེན་ཀུན་བཟང
106a2 ཁྱོད་ལ་ཕྱག་འཚལ་ལོ།། ཡེ་ཤེས་ཁྲོ་བོ་ཆོས་ཉིད་དབྱིངས་ན་བཞུགས།། སྤྲུལ་པའི་ཁྲོ་བོས་ལས་རྣམས་རྫོགས་པར་མཛད།། ཕྲ་མེན་ཡང་སྦྲུལ་ཡེ་ཤེས་དབྱིངས་སུ་འཁྱིལ།། ཁྲོ་བོ་ཁྲོ་མོའི་ཚོགས་ལ་ཕྱག་འཚལ
106a3 ལོ།། སྐུ་གསུང་དངོས་གྲུབ་ཡ་མཚན་ཆོ་འཕྲུལ་ཅན།། སྐུ་གསུང་ཐུགས་ལས་སྤྲུལ་པ་མང་པོ་འཕྲོ།། མཁའ་འགྲོ་ཟ་བྱེད་ཕྲ་མེན་ཕོ་ཉ་མ།། མགྱོགས་པའི་ཚོགས་ལ་ཕྱག་འཚལ་ལོ། ལས་རྣམས་དྲག་ཤུལ་མཛད་པའི
106a4 ཁྲོ་རྒྱལ་སྐུ།། དེ་བཞིན་གཤེགས་པའི་མན་ངག་གསང་ཆེན་རྣམས།། ཀླུང་ནས་གྲོལ་བར་མཛད་པ་ཡེ་ཤེས་ཡུམ།། སྒོ་བ་སྒོ་མའི་ཚོགས་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་འཁོར་རྣམས་རྗེས་སུ་ཡི
106a5 རངས་ཏེ། ལེགས་སོ་ལེགས་སོ་ཞེས་བྱ་བ་བྱིན་ཏེ། བཀའ་དམ་པ་གསང་བ་ཟབ་མོའི་ཏནྟྲ་འདི་སྡུད་པ་པོ་རྡོ་རྗེ་ཆོས་ལ་གཏད་དོ།། དེ་ནས་སྡུད་པ་པོ་རྡོ་རྗེ་ཆོས་ཀྱིས་བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ
106a6 འཁོར་དང་བཅས་པ་རྣམས་ལ་སྐུ་གསུང་ཐུགས་ཀྱི་བཤགས་པ་ཕུལ་ལོ།། འདོད་ཆགས་ཞེ་སྡང་གཏི་མུག་དབང་དུ་གྱུར་པས་ན།། ལུས་ངག་སེམས་ཀྱིས་སྡིག་བགྱིས་མཐོལ་ཞིང་བཤགས།། ཐེག་པ་དམན
iiif viewer powered by OpenSeadragon
