| e-texts navigator |
| Wylie |
105b1 སྤྲུལ་པའི་དངོས་གྲུབ་འཁོར་རྣམས་ལ་སྩལ་ཏོ།། འཁོར་རྣམས་ཀྱིས་ཀྱང་རྡོ་རྗེ་ཆོས་ཀྱི་སྡུད་པ་པོར་དངོས་གྲུབ་སྩལ་ཏོ།། བཅོམ་ལྡན་འདས་ཧེ་རུ་ཀ་རོལ་པ་ལས་སྐུ་གསུང་ཐུགས་ཀྱི་དངོས་གྲུབ་དབྱིག་བསྒྲུབ་པའི
105b2 ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་ཀྱིས་བཀའི་དམ་པའི་དོན་གྱི་གསང་བ་ཟབ་མོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ནས་སྤྲུལ་པ་ལྕམ་དྲལ་འདི་མགོ་མཇུག་གི་དོན་རྒྱུ
105b3 དང་འབྲས་བུ་གཉིས། དབྱིངས་དང་ཡེ་ཤེས་གཉིས། ཐབས་དང་ཤེས་རབ་གཉིས། ཀུན་རྫོབ་དང་དོན་དམ་གཉིས། མདོར་བསྡུས་ན་དོན་དམ་པ་ལྷུན་གྱིས་གྲུབ་པའི་བྱང་ཆུབ་སེམས་སུ་བསྡུའོ།། རྒྱུད་འདིའི་མགོ
105b4 མཇུག་གི་དོན་དཔལ་ཀུན་ཏུ་བཟང་པོར་འདུས་སོ།། ཀུན་ཏུ་བཟང་པོ་སྐུ་མི་ཟད་རྒྱན་གྱི་འཁོར་ལོ་དང་། གསུང་མི་ཟད་རྒྱན་གྱི་འཁོར་ལོ་དང་། ཐུགས་མི་ཟད་རྒྱན་གྱི་འཁོར་ལོ་དང་། སྐུ་གསུང་ཐུགས་བདེ་བ་ཆེན
105b5 པོ་ཡེ་ཤེས་ཀྱི་དཀྱིལ་འཁོར་ཉིད་ཀྱང་བྱང་ཆུབ་ཀྱི་སེམས་སུ་འདུས་སོ།། བཅོམ་ལྡན་འདས་བྱང་ཆུབ་སེམས་དཔའི་ཀུན་ཏུ་བཟང་པོར་འདུས་པའི་དོན་ནི་བཅོམ་ལྡན་འདས་ཀྱིས་སྡུད་པ་པོ་རྡོ་རྗེ་ཆོས་ལ་གཏད
105b6 དོ།། སྐུ་གསུང་ཐུགས་ཀྱི་དོན་གསང་བ་ཟབ་མོ་འདི་རྡོ་རྗེ་ཆོས་ཀྱི་སྡུད་པ་པོ་ལ་གཏད་དོ།། དེ་ནས་བཅོམ་ལྡན་འདས་ལ་རྡོ་རྗེ་ཆོས་ཀྱི་སྡུད་པ་པོས་ལུས་ངག་ཡིད་གསུམ་རྗེས་སུ་ཡི་རང་སྐྱེས་ཏེ། བཅོམ་ལྡན་འདས་ལ
iiif viewer powered by OpenSeadragon
