| e-texts navigator |
| Wylie |
102a1 སྣང་བའི་འོད་བཅས་པ་དགྲམ། ཚིལ་ཆེན་དང་ནི་ཙིཏྟའི་ཏོག། རས་ཆེན་འཕན་གདུགས་ལ་སོགས་པ། དཀྱིལ་འཁོར་རྒྱུན་ཏུ་བྲི་བར་བྱ། བྷན་དྷའི་གནམ་ཡོལ། ཞིང་གི་རྒྱལ
102a2 མཚན། ཐོད་པའི་ཕྲེང་བ་ལ་སོགས་པ་དགོད། རཀྟ་དྲི་ཆེན་གྱི་མཎྜལ་བྱ། ཡོ་བྱད་ཐམས་ཅད་ཚང་བར་བསོགས་ལ་འཕགས་པ་མཆོད་ཅིང་བདག་ཀྱང་བཟའོ།། དམ་མ་འདྲེས་ཤིང་མི་གཅིག་པ་སྤྱོད
102a3 ལམ་ཡན་ཆད་ཅིའི་སྒོ་ནས་ཀྱང་སྒྲུབ་པའི་ཞལ་ཟས་དང་ཚོགས་རྣམས་ཕྱི་རོལ་ཏུ་བྱུང་ངོ་།། བཅོམ་ལྡན་འདས་རྡོ་རྗེ་སེམས་དཔའི་སྒྲུབ་པ་པོ་ཉིད་ཏིང་ངེ་འཛིན་གཉིད་དབང་དུ་མི་གཏང་། སྤྱོད་པའི
102a4 རྣལ་འབྱོར་པས་སྐུ་གསུང་ཐུགས་དངོས་གྲུབ་ཀྱི་དབྱིག་བསྒྲུབ་པ་དང་། སྲིད་པ་གསུམ་གྱི་སེམས་ཅན་རྒྱུའི་སྡུག་བསྔལ་གྱིས་གདུངས་པ་རྣམས་གྲོལ་བར་མཛད་པའི་ཕྱིར་ཚུལ་མཁས་པ་དང་། སྤྱོད
102a5 པ་གཟོབ་པས་རྣལ་འབྱོར་བསྒྲུབ་པ་ལ་འཇུག་པར་བྱའོ།། དེ་ལ་དང་པོར་སྒྲུབ་པ་ལ་བགེགས་མི་འཇུག་པར་བྱ་བའི་ཕྱིར་མཚམས་གཅད་དོ།། ཏིང་ངེ་འཛིན་དང་ལྟ་བ་དང་། སྔགས་དང་ཕྱག་རྒྱ་དང་།
102a6 རྒྱལ་མཚན་དང་རྫས་འདི་དག་གིས་རབ་ཏུ་གཅད་པར་བྱའོ།། བསྙེན་པ་ཉེ་བསྙེན་དབང་ཡང་རྫོགས།། རྫོགས་ནས་དངོས་གྲུབ་བླང་བར་བྱ།། ལྷའི་གྲངས་བཞིན་བསྙེན་པ་དབུལ་བར་བྱའོ།། སྙིང
iiif viewer powered by OpenSeadragon
