| e-texts navigator |
| Wylie |
101b1 བཅས་པའི་ཚུལ་དུ་བྱ། ལས་ཀྱི་ལྷ་པདྨ་གར་གྱི་དབང་ཕྱུག་དགོད། བསྲེག་རྫས་དམར་པོ། གཏོར་མ་དམར་པོ། ཆས་གོས་དམར་པོ། ལྷའི་གྲངས་བཞིན་དུ་དབུལ། དྲག་པོའི་དཀྱིལ་འཁོར་འདོམ
101b2 གང་གྲུ་བཞི་དབུས་སུ་གྲུ་གསུམ་ཟབས་སུ་ཁྲུ་ཕྱེད། གྲུ་གསུམ་དུ་མདའ་གཞུ། མཐའ་ཐོད་པ་གསར་སྙིང་གིས་བསྐོར། དཔལ་ཆེན་པོ་དང་ཁྲོ་བཅུ་དགོད། ཡོ་བྱད་ཐམས་ཅད་ནག་པོ། བསྲེག་རྫས
101b3 ནག་པོ། དཀྱིལ་འཁོར་ཡང་ནག་པོ། གཏོར་མ་ཡང་ནག་པོ། ལས་ཀྱི་ཁྲོ་བོ་བཅུ་དང་། ཕྲ་མེན་མ་ཆས་གོས་ནག་པོ། སྦྱིན་སྲེག་ལྷའི་གྲངས་བཞིན་དུ་དབུལ་ལོ།། ཨོཾ་ཤན་ཏིང་གན་ཏིང་ཏི་ཀར་པྲ་ཤ
101b4 མ་ནི་རཱ་ཙ་ཏ། ཨ་བ་བ་སྭ་བ་བ། ཨ་མུ་ཀ་སི། སྭ་སྟི་ཤི་བཾ། ཀུ་རུ་སྭཱ་ཧཱ། ཞི་བའོ།། པ་ཤང་ཀུ་རུ་པྲ་ཤ་མ་ན་ཡེ་ཧོ། པུཥྚིཾ་ཀུ་རུ་སྭཱ་ཧཱ། སུམ་བྷ་ནི་སུམ་བྷ་ཧཱཾ། བཅོམ་ལྡན་འདས་དཔལ་ཀུན་ཏུ་བཟང་པོ
101b5 ཧེ་རུ་ཀ་རོལ་པ་ལས་ཁྲོ་བོ་མནན་བཟློག་གི་ལེའུ་སྟེ་བཅུ་བཞི་པའོ།། ། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཐུགས་གསང་བའི་དཀྱིལ་འཁོར་འདི་ཕྱུང་ངོ་།། དཀྱིལ་འཁོར
101b6 འདོམ་གང་གྲུ་བཞི་ལ། ཐིག་བཞི་གདབ་པས་རེའུ་ཆ་དགུ། དབུས་སུ་ཟླ་བ་ཕྱེད་པར་བཅས་པའི་ཚུལ་དུ་བྱ། དེའི་ཕྱི་རིམ་ཕྲ་མེན་མ་བཅུ་དྲུག། སྒོ་བ་བཞི། ཁམ་ཕོར་རི་མོར་བྲིས་པ་དགུ།།
iiif viewer powered by OpenSeadragon
