| e-texts navigator |
| Wylie |
9a1 སྣང་རང་རིག་མངོན་སུམ་གསལ།། དུས་གསུམ་དུའང་མི་འགྱུར་ཕྱིར།། ཐེག་འདིར་ཟབས་དང་སྙིང་རྗེར་བཤད།། གང་ཕྱིར་འཇིག་རྟེན་མཐའ་ཡས་པར།། མོས་པ་བསམ་ཡས་ཕྱིར་གསུངས
9a2 པ།། བསྟན་པ་མཐའ་ཡས་བསྟན་པ་ནི།། འགྲོ་བའི་བསམ་པ་ཇི་བཞིན་ནོ།། གང་ཕྱིར་ཐེག་ཆེན་གསང་བའི་དོན།། ཐལ་བའི་རྒྱུད་ཆེན་བསྟན་པ་འདི།། འགྲོ་བ་ཆགས་ཆེན་འདུལ་བའི་ཕྱིར།། དུག་གིས་དུག་ནད
9a3 བསལ་བ་ལྟར།། སྒྱུ་འཕྲུལ་ཆེན་པོ་འདི་དག་ཡིན།། སྐྱེས་བུ་ཐབས་ཀྱིས་བདེར་འཇུག་པ།། གང་གིས་འདི་དག་བདེར་སེལ་བ།། མ་རྨོངས་ཐབས་ལ་མཁས་པ་ཡིས།། པདྨ་ལ་ནི་འདམ་བཞིན་ནོ།། སྒྱུ་འཕྲུལ་ཐལ
9a4 བའི་རྒྱུད་ཆེན་པོ་ལས། ཐབས་ཆེན་ལྟ་བའི་ལེའུ་སྟེ་གསུམ་པའོ།། །། དེ་ནས་གཞན་ཡང་བཤད་བྱ་བ།། ཐབས་དང་ཤེས་རབ་གཉིས་མེད་པའི།། བདེ་ཆེན་སྐུ་གསུང་ཐུགས་དཀྱིལ་འཁོར།། འདི་དག་ལེགས
9a5 པར་བཤད་པར་བྱ།། འགྲོ་དྲུག་མ་བཅོས་རང་བྱུང་སྐུ།། ལུས་གནས་རྩ་དང་འཁོར་ལོར་བཅས།། མ་ལུས་ཀུན་ལ་ཁྱབ་གནས་པ།། རང་བྱུང་བདེ་བའི་འཁོར་ལོའི་སྐུ།། རང་བྱུང་རྩ་ཡི་འཁོར་ལོ་ན།། སོ་སོའི་ཡི་གེ
9a6 གང་གནས་པ།། གསུང་གི་དཀྱིལ་འཁོར་ཀུན་དང་འབྲེལ།། རང་བྱུང་གསུང་གི་འཁོར་ལོར་བཤད།། གང་དུ་བཅུད་ཀྱི་ཐིག་ལེ་ཡིས།། བདེ་བ་ཆེན་པོའི་རོ་ལྡན་པས།། མ་སྐྱེས་ལྷུན་གྲུབ་རང་གསལ་བ།། ཁྱབ
iiif viewer powered by OpenSeadragon
