| e-texts navigator |
| Wylie |
99b1 དོ།། ལ་ལར་འཇིག་རྟེན་གསུམ་རྒྱལ་བ།། གྲུབ་པ་ཀུན་གྱི་དབང་ཕྱུག་ཉིད།། ལ་ལར་རྟོག་པ་ཐམས་ཅད་མཆོག། གྲུབ་པའི་དབང་ཕྱུག་བླ་ན་མེད།། དེ་ལ་སོགས་པ་མཐའ་ཡས་མཆོག། སངས་རྒྱས་ཀུན་བདག་བདེ
99b2 མཆོག་གིས།། འདུལ་བའི་ཐབས་སུ་ངེས་པའི་གར།། རྣམ་པར་སྤྲུལ་པས་དགྱེས་ཤིང་རོལ།། དངོས་གྲུབ་ཆེན་པོ་ཀུན་གྱི་མཆོག། བརྟན་པ་དབང་ཕྱུག་ཆེན་པོའི་བདག། གཟུགས་དང་ཚེ་དང་ཁ་དོག་སྟོབས།། དཔལ
99b3 ལྡན་རྡོ་རྗེ་སེམས་དཔའ་བཞིན།། འགྲོ་བ་དག་གིས་བསྙེན་བྱ་ཞིང་།། དེ་བཞིན་གཤེགས་པ་ཀུན་གྱིས་མཆོད།། ལྷ་མོ་ཀུན་གྱི་དཔལ་ལྡན་མཆོག། རྡོ་རྗེ་སེམས་དཔའ་རབ་ཏུ་འགྲུབ།། སེམས་ཅན་ཁམས་ནི་དུ་མ
99b4 དག། མ་ལུས་པར་ནི་ཕྱག་རྒྱས་འདེབས།། ལྷ་དང་བྱང་ཆུབ་དགའ་བ་རྣམས།། བརྟན་པར་སེམས་ཅན་དག་ལ་སྨིན།། སངས་རྒྱས་ཀུན་བདག་བདེ་མཆོག་གིས།། སེམས་ཅན་ཀུན་གྱི་དོན་བྱེད་ཅིང་།། མ་ལུས་ལུས
99b5 པ་མེད་པ་ཡི།། བསྐལ་པ་ཀུན་ཏུ་སྲིད་པར་གནས།། ཞེས་བཅོམ་ལྡན་འདས་རྡོ་རྗེ་སེམས་དཔས་དེ་སྐད་གསུངས་སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་སྣ
99b6 གས་ཐམས་ཅད་ཀྱི་སྐལ་པ་བཟང་པོ་མཆོག་གི་དངོས་གྲུབ་ཅེས་བྱ་སྟེ། དཔལ་དམ་ཚིག་གི་རྟོག་པ་སྟེ་བཞི་པའོ།། འདི་ནི་རྣལ་འབྱོར་བཅོམ་ལྡན་འདས།། རྡོ་རྗེ་སེམས་དཔའ་དེ་བཞིན་གཤེགས།། སངས
iiif viewer powered by OpenSeadragon
