| e-texts navigator |
| Wylie |
99a1 དབང་ཕྱུག་ཀུན་དང་བཅས།། ངོ་འཐོན་སྟོབས་ཀྱིས་ཕྲོགས་ནས་ཀྱང་།། དེ་ནི་དད་ལ་སྦྱིན་པར་བྱེད།། ཚངས་པ་འཇུག་སེལ་དབང་ཆེན་གྱི།། མཆོག་གི་དབང་ཕྱུག་དམ་པ་དག། ཀུན་ནས་ཕྲོགས
99a2 མྱུར་སྦྱིན་ན།། ལོངས་སྤྱོད་གཞན་ལྟ་ཅི་ཞིག་སྨོས།། དེ་ཡི་མི་སྦྱིན་ཅི་ཡང་མེད།། སངས་རྒྱས་དོན་དུ་བྱ་བ་ཀུན།། མི་བྱ་བ་ནི་གང་ཡང་མེད།། སྦྱིན་པ་དང་ནི་བྱེད་པའང་ཡིན།། སངས་རྒྱས་བྱང་ཆུབ་སེམས
99a3 དཔའ་ཡང་།། ཕྲོགས་ནས་ཀྱང་ནི་སྦྱིན་བྱེད་ན།། ལས་མཆོག་དང་ནི་རབ་འབྱམ་དང་།། དངོས་གྲུབ་གཞན་ལྟ་ཅི་ཞིག་སྨོས།། དངོས་གྲུབ་མཆོག་ནི་གདོན་མི་ཟ།། སྡེ་རྣམས་ཐམས་ཅད་རབ་འཇོམས་པ།། སངས
99a4 རྒྱས་ཀུན་གྱི་གྲུབ་ཆེན་པོ།། འཁོར་ལོས་སྒྱུར་བ་རབ་གྲུབ་པ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་མཆོག་གིས།། སངས་རྒྱས་ཀུན་གྱི་རྫུ་འཕྲུལ་ཆེ།། རྣམ་པར་འཕྲུལ་པ་རབ་ཏུ
99a5 འཇུག། ལ་ལར་བྱང་ཆུབ་སེམས་ཆེན་པོ།། ལ་ལར་སྤྱོད་པ་མཐུན་པར་འགྲོ།། ལ་ལར་དགའ་ལྡན་ལྷ་དག་ལས།། དམ་པ་ཤིན་ཏུ་འཕོ་བའོ།། ལ་ལར་སྐྱེ་བ་རྣམ་པར་དག། ལ་ལར་ངེས་པར་འབྱུང་བར་གསལ།། ལ
99a6 ལར་བྱང་ཆུབ་ཆེན་པོར་གཤེགས།། ས་ལར་བདུད་ལས་རབ་ཏུ་རྒྱལ།། ལ་ལར་བྱང་ཆུབ་མངོན་འཚང་རྒྱ།། ལ་ལར་ཆོས་ཀྱི་འཁོར་ལོ་བསྐོར།། ལ་ལར་ཕ་རོལ་མུ་སྟེགས་རྣམས།། ཆོས་དང་མཐུན་པར་ཚར་གཅད
iiif viewer powered by OpenSeadragon
