| e-texts navigator |
| Wylie |
96b1 ལོངས་སྤྱོད་ཀྱིས།། ཇི་ལྟར་བདེ་བར་བསྟེན་བྱེད་ཅིང་།། རང་གི་ལྷ་ཡི་རྣལ་འབྱོར་གྱིས།། བདག་ཉིད་རབ་ཏུ་མཆོད་པར་བྱ།། རྗེས་སུ་སྦྱོར་བས་མཆོད་བྱེད་ཅིང་།། རྣལ་འབྱོར་ཀུན་གྱི་བདེ་བ་དང་།། བདག་ཉིད་ཀུན
96b2 ཏུ་མྱོང་བྱེད་ན།། ཤིན་ཏུ་སྦྱོར་བས་འགྲུབ་པར་འགྱུར།། སངས་རྒྱས་ཀུན་གྱི་བདག་ཉིད་ཀྱི།། ར་ས་ཡ་ན་བདེ་བ་འདིས།། རྡོ་རྗེ་སེམས་དཔའི་དཔལ་ཚེ་དང་།། ལང་ཚོ་ནད་མེད་བདེ་མཆོག་འགྲུབ།། ཀུན་ཏུ་ཀུན
96b3 ནས་ཐམས་ཅད་དུ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། རྟག་ཏུ་དེས་ནི་འགྲུབ་པར་འགྱུར།། ཞེས་བཅོམ་ལྡན་འདས་དཔལ་རྡོ་རྗེ་སེམས་དཔས་དེ་སྐད་ཅེས་གསུངས
96b4 སོ།། སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་ལས་དཔལ་རྡོ་རྗེ་སེམས་དཔའ་ཀུན་ཏུ་སྦྱོར་བའི་རྟོག་པ་སྟེ་གཉིས་པའོ།། །། འདི་ནི་རྣལ་འབྱོར་བཅོམ་ལྡན་འདས།། རྡོ་རྗེ
96b5 སེམས་དཔའ་དེ་བཞིན་གཤེགས།། སངས་རྒྱས་ཐམས་ཅད་མཉམ་སྦྱོར་བའི།། མཁའ་འགྲོ་སྒྱུ་མ་བདེ་བའི་མཆོག། རྡོ་རྗེ་སེམས་དཔའི་རྣལ་འབྱོར་པ།། དཔལ་ལྡན་རང་གི་དམ་ཚིག་བདེ།། སངས་རྒྱས་ཐམས་ཅད
96b6 མཉམ་སྦྱོར་བའི།། རྣལ་འབྱོར་དབང་ཕྱུག་བདེ་བ་ཆེ།། རྡོ་རྗེ་སེམས་དཔའ་དཔལ་སྦྱོར་བའི།། མཐུ་ཉིད་ཀྱིས་ནི་ཐམས་ཅད་དུ།། ཕྱག་རྒྱ་བདེ་བ་ཆེན་པོ་ཀུན།། སོ་སོ་རྗེས་སུ་རབ་འགྲུབ་འགྱུར།། རྡོ་རྗེ་སེམས་དཔའ
iiif viewer powered by OpenSeadragon
