| e-texts navigator |
| Wylie |
96a1 སངས་རྒྱས་ཐམས་ཅད་ཀྱང་།། མཐོང་ཞིང་མཆོད་པ་བྱས་པར་འགྱུར།། འདི་དང་སངས་རྒྱས་ཐམས་ཅད་ལ།། མཐོང་བ་དང་ནི་རེག་པ་ཡིས།། དཀྱིལ་འཁོར་དག་ཏུ་མ་ཞུགས་པའང་།། བདེན་པ་དག
96a2 ཀྱང་མཐོང་བར་འགྱུར།། མཐོང་བ་དང་ནི་རེག་པ་དང་།། ཐོས་པ་དང་ནི་དྲན་པ་ཡིས།། སྡིག་པ་ཀུན་ལས་རྣམ་གྲོལ་ཞིང་།། སངས་རྒྱས་དངོས་གྲུབ་ཐམས་ཅད་འགྲུབ།། འདི་དང་སངས་རྒྱས་ཐམས་ཅད་ལ།། རྣལ
96a3 འབྱོར་ཐམས་ཅད་མཉམ་སྦྱོར་བས།། བུད་མེད་དག་ཀྱང་རྣམ་གྲོལ་ཞིང་།། སངས་རྒྱས་བྱང་ཆུབ་རེག་པར་འགྱུར།། ཀུན་ཏུ་ཀུན་ནས་ཐམས་ཅད་ནི།། བདག་ཉིད་རྣམ་པ་ཐམས་ཅད་དུ།། སངས་རྒྱས་ཐམས་ཅད
96a4 དངོས་གྲུབ་པར།། དེ་ཡི་བདག་ཉིད་མཐོང་བར་འགྱུར།། འདི་ནི་བདག་ཉིད་ཀུན་གནས་པས།། མཆོད་པའི་སྤྲིན་ཆེན་ཐམས་ཅད་ཀྱི།། བཀོད་པ་རབ་འབྱམ་ཚོགས་དག་གིས།། དེ་བཞིན་གཤེགས་པ་མཆོད་པ
96a5 མཛད།། ཐམས་ཅད་བདག་ཉིད་སྦྱོར་མཆོད་དཔལ།། རྡོ་རྗེ་སེམས་དཔའ་མཆོག་གྱུར་པ།། སངས་རྒྱས་ཀུན་གྱི་རང་བཞིན་ཏེ།། བདེ་བའི་མཆོག་ནི་ཐོབ་པར་འགྱུར།། རྣལ་འབྱོར་ཀུན་ལ་ཉེར་སྦྱོར་བས།། དཔལ་ནི
96a6 གཞིར་འགྱུར་འགྲུབ་པར་འགྱུར།། རྣལ་འབྱོར་ཀུན་ནི་བཅོམ་ལྡན་འདས།། རྡོ་རྗེ་སེམས་དཔའ་དེ་བཞིན་གཤེགས།། དེ་ཡི་ཉེ་བར་སྦྱོར་བ་ནི།། ཁམས་གསུམ་མ་ལུས་ཐམས་ཅད་དོ།། རྣལ་འབྱོར་ཀུན་གྱིས
iiif viewer powered by OpenSeadragon
