| e-texts navigator |
| Wylie |
95b1 པའམ།། འཆག་གམ་ཇི་ལྟར་གནས་ཀྱང་རུང་།། དགོད་དམ་རབ་ཏུ་སྨྲ་ཡང་རུང་།། གང་ན་ཇི་ལྟར་སྤྱོད་ཀྱང་རུང་།། དཀྱིལ་འཁོར་དུ་ཡང་མ་ཞུགས་པའམ།། སྒྲིབ་པ་ཀུན་དང་ལྡན་པའང་རུང་།། རང་གི་ལྷར་ནི
95b2 བདག་སྦྱོར་ན།། བསོད་ནམས་ཆུང་ཡང་འགྲུབ་པར་འགྱུར།། དེ་ཉིད་རྣལ་འབྱོར་འདི་ཡིས་ནི།། ཐམས་ཅད་འགྲུབ་པར་བྱེད་པས་ན།། ངན་ཟོས་ངན་སྤྱོད་ཐམས་ཅད་ཀྱིས།། ཉེས་པ་དག་ཏུ་ཡོངས་མི
95b3 འགྱུར།། བསྐལ་པ་བྱེ་བར་མི་ཐོབ་པ།། སངས་རྒྱས་དམ་པ་ཐམས་ཅད་དེ།། ཕྱག་རྒྱའི་ཆོ་ག་དག་གི་ནི།། བསྒྲུབ་ན་ཀུན་ཏུ་ཐོབ་འགྱུར་བ།། བདག་ཉིད་གྲུབ་པར་བྱེད་པའི་མཆོག། འདི་ནི་བདག་གིས་བརྟག་པར
95b4 བྱ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། རྡོ་རྗེ་སེམས་དཔའ་བདག་སྦྱོར་བ།། ཆ་ལུགས་ཇི་བཞིན་སྦྱོར་བ་ཡིས།། ཐམས་ཅད་སྣ་ཚོགས་ཕྱག་རྒྱའི་བདག། བསོད་ནམས་ཆུང
95b5 ཡང་འགྲུབ་པར་འགྱུར།། རྒྱ་འདི་བསྒྲུབ་པ་ཙམ་གྱིས་ནི།། སངས་རྒྱས་ཐམས་ཅད་བྱིན་གྱིས་རློབ།། ཤིན་ཏུ་བྱིན་གྱིས་བརླབས་ནས་ནི།། སངས་རྒྱས་ཐམས་ཅད་འདུ་བར་འགྱུར།། སངས་རྒྱས་ཀུན་དང་མཉམ་སྦྱོར
95b6 བས།། སངས་རྒྱས་ཀུན་དང་མཉམ་པར་འགྱུར།། སངས་རྒྱས་ཀུན་དང་མཉམ་པའི་ཕྱིར།། སངས་རྒྱས་ཐམས་ཅད་འགྲུབ་པར་འགྱུར།། གང་གིས་ལྡན་པ་འདི་མཐོང་ཞིང་།། རྣམ་པ་ཀུན་ཏུ་མཆོད་བྱེད་ན།། དེ་ཡིས
iiif viewer powered by OpenSeadragon
