| e-texts navigator |
| Wylie |
94a1 པས།། མཁའ་འགྲོ་མ་ཞེས་རབ་ཏུ་གྲགས།། ཐམས་ཅད་མ་ལུས་ཕྱག་རྒྱ་ཡི།། ཐམས་ཅད་མ་ལུས་བདེ་མཆོག་གིས།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་མ་ཞེས་རབ་ཏུ་གྲགས།། དེ
94a2 ནི་ནམ་མཁའ་འགྲོ་བ་ཞེས།། སངས་རྒྱས་ཁམས་ལས་རྣམ་པར་བརྟགས།། ཀུན་ཏུ་འགྲོ་བར་གྲུབ་པ་ནི།། སངས་རྒྱས་ཀུན་བདག་མཁའ་འགྲོ་མའོ།། ཤཾ་ཞེས་བྱ་བ་བདེ་བར་བཤད།། སངས་རྒྱས་ཀུན་གྱི་བདེ་ཆེན
94a3 ཡིན།། སྒྱུ་མ་ཐམས་ཅད་རབ་སྦྱོར་བ།། མཆོག་ཏུ་བདེ་བས་བདེ་བའི་མཆོག། ཀུན་ཏུ་ཀུན་ནས་ཐམས་ཅད་ནི།། བདག་ཉིད་རྟག་ཏུ་རྣམ་པ་ཀུན།། སངས་རྒྱས་ལ་སོགས་བརྟན་གཡོ་ཀུན།། ཀུན་གྱི་དངོས་པོར་བདག
94a4 གྱུར་ཏོ།། སེམས་དང་སེམས་དཔའི་ཏིང་འཛིན་དང་།། བྱང་ཆུབ་སྤྱོད་པ་སྣ་ཚོགས་ཉིད།། དེ་བཞིན་བདུད་དང་བདུད་ལས་རྒྱལ།། དེ་ནི་བྱང་ཆུབ་སངས་རྒྱས་ཡིན།། རྡོ་རྗེ་རྡོ་རྗེ་འཛིན་ཉིད་དང་།། དེ་བཞིན་པདྨོ་པདྨོ
94a5 འཆང་།། ནོར་བུ་ནོར་བུ་འཛིན་ཉིད་དང་།། དེ་དག་གི་ཡང་རིགས་ཡིན་ནོ།། དེ་ཉིད་འདོད་ཆགས་འདོད་ཆགས་བྲལ།། འདོད་པ་དང་ནི་གྲོལ་བའང་ཡིན།། དུས་གསུམ་སྲིད་གསུམ་མཆོག་གསུམ་དང་།། འཇིག་རྟེན
94a6 གསུམ་དང་ཁམས་གསུམ་དང་།། རྣམ་པ་སྣ་ཚོགས་ཐ་དད་པའི།། གནས་པ་ཐམས་ཅད་དེ་ཉིད་དོ།། འགྲོ་བ་དག་ནི་མ་ལུས་ཀུན།། ཐམས་ཅད་དུ་ནི་འདི་འགྱུར་རོ།། དེ་ལ་སོགས་པ་མཐའ་ཡས་མཆོག། ཆོས
iiif viewer powered by OpenSeadragon
