| e-texts navigator |
| Wylie |
93b1 རྒྱ་གར་སྐད་དུ། ཤྲཱི་སརྦ་བུདྡྷ་ས་མ་ཡོ་ག་ཌཱ་ཀི་ནཱི་ཛཱ་ལ་སམྦ་ར་ནཱ་མ་ཨུཏྟ་ར་ཏནྟ། བོད་སྐད་དུ། དཔལ་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་མ་སྒྱུ་མ་བདེ་བའི་མཆོག་ཅེས་བྱ་བའི་རྒྱུད
93b2 ཕྱི་མ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། སེམས་དཔའ་སངས་རྒྱས་ཀུན་གྱི་དངོས།། རྡོ་རྗེ་སེམས་དཔའ་བདེ་བའི་མཆོག། གསང་བ་མཆོག་གི་དགྱེས་པ་ན།། ཐམས་ཅད་བདག་ཉིད་རྟག་ཏུ
93b3 བཞུགས།། འདི་ནི་རང་བྱུང་བཅོམ་ལྡན་འདས།། གཅིག་པུ་རབ་ཏུ་ཆེ་བའི་ལྷ།། སངས་རྒྱས་ཐམས་ཅད་མཉམ་སྦྱོར་བ།། མཁའ་འགྲོ་སྒྱུ་མ་བདེ་བའི་མཆོག། ཆགས་མེད་ཆགས་དང་བྲལ་བའང་མིན།། དབུ་མར
93b4 ཡང་ནི་མི་དམིགས་སོ།། བུད་མེད་ཀུན་གྱི་སྒྱུ་མའི་རྒྱ།། འདི་ནི་གཉིས་མེད་ཐེག་པའི་མཆོག། སྒྱུ་མ་དག་ནི་ཐམས་ཅད་པས།། བུད་མེད་སྒྱུ་མ་ཁྱད་པར་ཆེ།། ངོ་བོ་ཉིད་ཀྱི་མཐུ་དག་གིས།། རང་བཞིན་གྱིས་ནི་དེ
93b5 འགྲུབ་པའོ།། འཇིག་རྟེན་གསུམ་འདིར་བུད་མེད་འདིས།། གུས་པར་བྱེད་པ་དག་ཏུ་འགྱུར།། རྙེད་དང་བདེ་དང་དགའ་ཀུན་གྱིས།། ངན་པར་སྤྱོད་པའང་འགྲུབ་པར་འགྱུར།། རང་གི་ངོ་བོ་ཡོངས་བསྒྱུར་ན།། བུད
93b6 མེད་ཀུན་གྱི་སྒྱུ་མས་འགྲུབ།། ངོ་མཚར་སྒྱུ་མའི་ཕྱག་རྒྱ་འདིས།། མཁའ་འགྲོ་མ་ཞེས་བརྡར་བསྟན་ཏོ།། ཌཱ་ནི་ནམ་མཁར་འགྲོ་བ་ཞེས།། ཁམས་ལས་མངོན་དུ་བཏགས་པ་སྟེ།། ནམ་མཁའ་ཀུན་ཏུ་སྤྱོད་འགྲུབ
iiif viewer powered by OpenSeadragon
