| e-texts navigator |
| Wylie |
8a1 དབུས།། ཆོས་ཉིད་ཡེ་ཤེས་གཡས་གཡོན་ལ།། དབུ་མ་དབྱེར་མེད་ཐབས་བཟུང་བས།། སེམས་ལྔས་ཐིག་ལེ་མངོན་སྦྱངས་ཏེ།། ཕུང་པོ་འབྱུང་བ་རྣམ་ཤེས་བཅུད།། གྲངས་ལས་འདས་པའི་ཡེ་ཤེས
8a2 ཀྱང་།། མཉམ་པ་ལྔ་རུ་གསལ་བར་མཐོང་།། རང་བྱུང་མི་ཤིགས་ཐིག་ལེ་ནི།། དྲངས་མ་ཡེ་ཤེས་ལྔ་ལྡན་ལ།། སྒྲོན་མའི་ཐབས་ཀྱིས་གང་བསྐུལ་བ།། དངས་མ་བདེ་བའི་རྟགས་འབྱུང་ཞིང་།། མ་བསླད་ཡེ་ཤེས
8a3 འཆར་བར་འགྱུར།། ཕྱི་རོལ་རྒྱུ་བ་རླུང་བཅད་ཅིང་།། དྲངས་མ་རིམ་པར་ཞུགས་པ་ན།། རྩ་བཞིར་སྙིང་པོ་ཐིམ་པ་ལས།། དངོས་པོ་ཕྱི་ནང་ཡུལ་འགགས་པས།། བདེ་ཆེན་སྒྱུ་མ་ལས་བྱུང་ཞིང་།། མ་སྐྱེས་ཡེ་ཤེས
8a4 གསལ་བར་མཐོང་།། དྲངས་མའི་ཉམས་ཀྱི་རྟགས་འབྱུང་བ།། འཛག་དང་འདར་དང་འཕར་བ་དང་།། རྒྱུག་དང་གླུ་དང་སྒྲ་སྒྲོག་དང་།། འབར་དང་བདེ་བ་འབྱུང་བ་དང་།། ཐར་དང་འཆིང་མེད་མངོན་ཤེས་དང་།། སྐྱེ
8a5 མཆེད་ནམ་མཁའི་རང་བཞིན་གསལ།། ཐབས་དང་ཤེས་རབ་མངོན་སྦྱར་བའི།། ཉི་ཟླ་འདྲེས་པའི་གར་ཐབས་ཀྱིས།། ཐིག་ལེ་འཁོར་ལོ་བསྐུར་བའི་ཚེ།། ཐབས་ལྡན་གཉིས་མེད་བསལ་བར་འགྱུར།། ཐབས
8a6 ཆེན་ཐབས་ལ་གནས་པ་ཡིས།། པདྨ་རྡོ་རྗེ་སྦྱོར་བ་ཡི།། གསང་བའི་ཐིག་ལེ་ཟུང་འཇུག་པས།། དྲངས་ཏེ་མ་ལུས་གང་བ་ཡིས།། ཕུང་པོ་རྣམ་ཤེས་ལྔ་རུ་གསལ།། ཐིག་ལེ་ཐབས་ཀྱིས་ཟིན་པ་ལ།། ལྷན་ཅིག་སྐྱེས་པར
iiif viewer powered by OpenSeadragon
