| e-texts navigator |
| Wylie |
89a1 མཆོད་པ་ནི།། ཡོངས་གྲུབ་འདོད་ཡོན་ལྷ་སྐུར་གསལ།། གཞན་ཡང་འདོད་ཡོན་ལྷ་མོར་བཅས།། རིགས་དྲུག་ལྔ་ཚོགས་རྣམ་པར་མཆོད།། འདུག་པའི་འཁོར་ལོ་བསྒོམ་པ་ནི།། དཔྲལ་བ་མགྲིན་པ
89a2 སྙིང་ག་སྤྱི།། ལྟེ་བ་ལྐོག་མ་གསང་བ་རུ།། རྣལ་འབྱོར་འཁོར་ལོ་དྲུག་བསྒོམ་སྟེ།། ལག་པ་གཟར་བུ་རྣམ་གཉིས་ཀྱིས།། ལུས་ཀྱི་དཀྱིལ་འཁོར་མཆོད་ནས་ནི།། ཡེ་ཤེས་མེས་ནི་བག་ཆགས་བསྲེག། ཐལ་བ་བཤད
89a3 ལམ་ལས་ཕྱུང་བ།། ནང་གི་སྦྱིན་སྲེག་མཆོད་པའོ།། ཕྲིན་ལས་འཁོར་ལོ་བསྒོམ་པ་ནི།། དགེ་དང་མི་དགེ་ལུང་མ་བསྟན།། ལུས་ངག་སྤྱོད་པ་རྣམ་དག་པ།། འོད་གསལ་ཆོས་སྐུ་བསྒོམ་པར་བྱ།། ཕྲིན་ལས་སྒྲིབ་དག
89a4 མཆོད་པའོ།། ཉམས་ཆགས་སྐོང་བའི་འཁོར་ལོ་བསྐོར་བ་ནི།། རིགས་དྲུག་ལྷ་ཡི་ཐུགས་ཀ་རུ།། རྟ་མཆོག་འཁོར་ལོ་ཉིད་བསྒོམས་ནས།། དེ་ལ་དབང་ལྔ་བསྐུར་བྱས་ན།། ཉམས་པ་དག་པར་བྱེད་པ་སྟེ།། དམ་ཚིག
89a5 ཉམས་པ་དབང་བསྐུར་མཆོད་པའོ།། རྟོག་པ་འཁྲུལ་པའི་འཁོར་ལོ་བསྒོམ་པ་ནི།། རྣམ་རྟོག་ཤས་ཆེའི་རྣལ་འབྱོར་པས།། ཁྲུས་ཀྱི་འཁོར་ལོ་བསྒོམ་པ་སྟེ།། རིགས་དྲུག་མདུན་དུ་འཁོར་ལོ་དྲུག། བུམ་པ་དྲུག་ནི་རྫས
89a6 དང་ལྡན།། ལྷ་བསྒོམས་སྔགས་ནི་གྲངས་རྫོགས་ནས།། བཀྲུས་པས་འདག་པའི་མཆོད་པའོ།། ལེ་ལོ་གཞོམ་པའི་འཁོར་ལོ་ནི།། ལེ་ལོ་ཤས་ཆེའི་རྣལ་འབྱོར་པས།། རྒྱུན་ཆད་མེད་པ་ཐུན་བཞི་རུ།། ལྷ་ཡི་འཁོར་ལོ་སྤྲོ
iiif viewer powered by OpenSeadragon
