| e-texts navigator |
| Wylie |
88b1 པ།། སངས་རྒྱས་བྱང་ཆུབ་རབ་བསྒྲུབ་ནས།། བུད་མེད་གཞན་ལྟ་ཅི་ཞིག་སྨོས།། ཏྲཾ་བ་བ་ཏ་ཏ་ཊ་ཊ་ཊ། རེ་བ་ཐམས་ཅད་ཀུན་རྫོགས་པ།། ཆོས་ཀྱི་ཕྱག་རྒྱ་དམ་པ་འདི།། རེ་བ་ཐམས་ཅད་རྫོགས་བྱེད་པའོ།། ཤྲཱི་བཛྲ
88b2 པདྨ་བ་ཏ་བ་མུ་ཁ་ཡོ་གཱི་ཤྭ་རི་ཧི་ཧི་ཧི་ཧི་ཧི། ཆོས་ཀྱི་ཕྱག་རྒྱ་དམ་པ་འདི།། འཇིག་རྟེན་ཐམས་ཅད་རབ་ཏུ་འཇིག། འདི་རྣམས་དམ་ཚིག་མཆོག་ཡིན་ཏེ།། ཆོས་ཀྱི་ཕྱག་རྒྱ་ཤེས་པའོ།། ཞེ་སྡང་ཆེན་པོས་ཞེ་སྡང
88b3 བ།། གཏི་མུག་ཆེན་པོས་གཏི་མུག་ཆེ།། ང་རྒྱལ་ང་རྒྱལ་དག་ལ་གནས།། འདོད་ཆགས་ཅན་ལ་འདོད་ཆགས་སྦྱོར།། དེ་བཞིན་ཕྲག་དོག་ཕྲག་དོག་ཉིད།། ཁོང་ཁྲོ་རབ་ཏུ་གཏུམ་གདུག་ཅན།། དྲག་པོ་འཇིགས་བྱེད
88b4 འཇིགས་པར་བྱེད།། རིགས་ཀྱི་དམ་ཚིག་ཆེན་པོ་ནི།། རིགས་དྲུག་འགྲོ་དྲུག་ཐབས་ཀྱིས་འདུལ།། དམ་ཚིག་རྣམ་པ་ཅིར་སྣང་ཡང་།། ཆོས་ཉིད་ངང་ལས་མ་ཡེངས་པར།། རྩ་བ་ཡན་ལག་མི་འདའ་བར།། གྲུབ
88b5 པ་ཐམས་ཅད་ཡོངས་སུ་རྫོགས།། སློབ་དཔོན་ལ་ནི་རྟག་ཏུ་གུས།། མཆེད་ལ་གདུང་ཞིང་གསང་བ་ཐུབ།། སྔགས་དང་ཕྱག་རྒྱ་རྒྱུན་མི་གཅད།། རིག་པ་ཉིད་དེ་སྐྱེས་པའོ།། ཞེས་གསུངས་པའོ།། རྒྱུད་ཀྱི་རྒྱལ་པོ་སངས
88b6 རྒྱས་མཉམ་སྦྱོར་ལས། ཐམས་ཅད་ཡོད་པ་དམ་ཚིག་གི་ལེའུ་སྟེ་རྟོག་པ་བརྒྱད་པའོ།། །། དེ་ནས་དེ་བཞིན་གཤེགས་པ་རྣམས་ཀྱིས་སྣ་ཚོགས་རབ་ཏུ་གསལ་བ་ཞེས་བྱ་བ་འདི་གསུངས་སོ།། འགྲོ་བའི་འཁོར་ལོ
iiif viewer powered by OpenSeadragon
