| e-texts navigator |
| Wylie |
87b1 པོ་ཆུང་ལ་མཉེས་པ་མཆོག། རྡོ་རྗེ་སེམས་དཔའི་ཡོན་དབུལ་བའོ།། བུ་མོ་ཤིན་ཏུ་བརྒྱན་པའམ།། དེ་བཞིན་ཆུང་མ་སྡུག་པ་གང་།། ཕུལ་ནས་ཡོན་གྱིས་བསླུ་བ་ཡིན།། སངས་རྒྱས་བྱང་ཆུབ་མཆོག་ཡིན་ནོ།། རྡོ་རྗེ
87b2 རིགས་ལ་བདག་ཉིད་དབུལ།། སླར་ཡང་རིན་གྱིས་བསླུ་བར་བྱ།། རྡོ་རྗེ་འཛིན་པ་དཔལ་སྦྱོར་བའི།། འབུལ་བ་ཡོན་གྱི་མཆོག་ཡིན་ནོ།། མུ་ཏིག་བཟང་པོ་ནོར་བུ་དང་།། ཤིན་ཏུ་དཀར་བའི་རས་ཟུང་དང་།། དེ་བཞིན
87b3 རྟ་ནི་དཀར་པོ་དག། པདྨ་ཅན་གྱི་ཡོན་མཆོག་ཡིན།། རྒྱལ་རིགས་ལོངས་སྤྱོད་གཏེར་རྣམས་དང་།། གོས་དང་རྒྱན་གྱི་ཚོགས་རྣམས་དང་།། དེ་བཞིན་མཆོད་པ་ཐམས་ཅད་ནི།། རྡོ་རྗེ་ཉི་མའི་ཡོན་ཡིན་ནོ།། ཤིན་ཏུ
87b4 བརྒྱན་པའི་རྟ་དག་དང་།། གླང་པོ་ཤིན་ཏུ་བརྒྱན་པ་ཡང་།། ཤིང་རྟ་རིན་ཆེན་གང་བ་དང་།། རྟ་དག་རྟ་མཆོག་ཡོན་ཡིན་ནོ།། བླ་མ་མཉེས་པར་གང་བྱས་པ།། དེ་ནི་ཆུང་ཡང་མཆོག་ཡིན་ཏེ།། ཆེ་སྟེ་རིན་ཆེན་རི་རབ
87b5 ཙམ།། ཆུང་སྟེ་ཁབ་སྐུད་ཡན་ཆད་ལ།། བླ་མ་མཉེས་པ་གང་འབུལ་བ།། དཀྱིལ་འཁོར་དགུ་ཡི་ཡོན་ཡིན་ནོ།། རྒྱུད་ཀྱི་རྒྱལ་པོ་སངས་རྒྱས་མཉམ་པར་སྦྱོར་བ་ལས། དབང་བསྐུར་ཕྱག་རྒྱའི་ལེའུ་སྟེ་རྟོག་པ་བདུན
87b6 པའོ།། །། དེ་ནས་ཐབས་ཡོད་པར་བྱིན་གྱིས་བརླབས་པ་ཞེས་བྱ་བ་འདི་གསུངས་སོ།། བླ་མེད་གསང་ཞུགས་སྐལ་བཟང་པོ།། ཇི་ལྟར་རྒྱུད་འཕེལ་གྲུབ་འཛིན་པ།། རྩ་བ་སྐུ་གསུང་ཐུགས་རྣམས་བསྲུང་།། དུས
iiif viewer powered by OpenSeadragon
