| e-texts navigator |
| Wylie |
87a1 དབང་མདའ་གཞུ་གཏད་པ་དང་།། ཤེས་རབ་དྲིལ་བུ་གསུང་གི་དབང་།། ཐུགས་ཀྱི་དབང་དུ་མེ་ལོང་བརྟན།། ཡོན་ཏན་ཡངས་པ་མིག་ཟུར་དབང་།། ཕྲིན་ལས་བརྟུལ་ཞུགས་ཆེན་པོའི
87a2 དབང་།། གདམས་ངག་འདེབས་པ་ཚིག་གི་དབང་།། གསང་བའི་མཚན་རྟགས་མིང་གི་དབང་།། ཉན་དང་འཆད་དང་བསྒྲུབ་པ་དང་།། ཕྲིན་ལས་དབང་རྣམས་རྫོགས་པར་བསྐུར།། འཁོར་ལོ་རྐང་པར་བཞག་བྱས
87a3 ནས།། ལག་པ་གཡས་པར་དུང་སྦྱིན་ཏེ།། གཡོན་པར་ལྕེ་ནི་སྦྱིན་པར་བྱ།། འཇིག་རྟེན་ཀུན་ལ་ཐམས་ཅད་དུ།། སེམས་ཅན་ཀུན་ལ་ཕན་པའི་ཕྱིར།། ཇི་ལྟར་སྣ་ཚོགས་འདུལ་གྱུར་པ།། རྡོ་རྗེའི་འཁོར་ལོ་རབ་ཏུ
87a4 བསྐོར།། ཁྲོ་བོའི་འཁོར་ལོ་རབ་ཏུ་བསྐོར།། ནོར་བུའི་འཁོར་ལོ་རབ་ཏུ་བསྐོར།། པདྨའི་འཁོར་ལོ་རབ་ཏུ་བསྐོར།། སྣ་ཚོགས་འཁོར་ལོ་རབ་ཏུ་བསྐོར།། བྱ་སྤྱོད་རྣལ་འབྱོར་རྒྱུད་རྣམས་ལ།། འཁོར་ལོ་རབ་ཏུ་བསྐོར
87a5 བ་དང་། བླ་མེད་རྣལ་འབྱོར་ཆེན་པོ་ལ།། མ་ཧཱ་ཨ་ནུ་ཨ་ཏི་ལ།། བློ་དང་མཐུན་སྦྱར་འཁོར་ལོ་བསྐོར།། འགྲོ་དྲུག་སེམས་ཅན་དབྱངས་ཕྱུང་ཞིག། དྲི་ལྡན་ཡེ་ཤེས་མཉེས་བྱའི་ཕྱིར།། གང་ལ་ཡོངས་སུ་བཏང་དཀའ
87a6 བ།། གང་ཡིན་དེ་ནི་མཆོག་ཏུ་བཤད།། གང་དང་གང་ལ་ཡིད་འོང་མཆོག། དེ་དང་དེ་ནི་བླ་མར་དབུལ།། ཡང་ན་ཤིན་ཏུ་ཁྱད་པར་ཅན།། བླ་མའི་སེམས་ལ་དགོས་པ་གང་།། དེ་དབུལ་ཡང་ན་ཞོ་ཤ་དབུལ།། དངོས
iiif viewer powered by OpenSeadragon
