| e-texts navigator |
| Wylie |
80a1 གཏུམ་འདོད་པ་བཞིན།། སེར་སྣ་ཅན་ལ་སེར་སྣས་བསྡམས།། འདོད་ཆགས་ཅན་ལ་འདོད་ཆགས་སྦྱོར།། ཕྲག་དོག་ལ་ཡང་ཕྲག་དོག་གོ། འདུལ་ཕྱིར་རིགས་སུ་བསྡུས་པ་དང་།། བྱེ་བྲག་རྣམས་ལ་བྱེ
80a2 བྲག་སྟོན།། རྒྱལ་བ་རྫོགས་པའི་དཀྱིལ་འཁོར་ལ།། བསམ་ཡས་འདོད་པ་ཀུན་སྟེར་ཕྱིར།། རིག་པའི་སྤྲུལ་པ་རྒྱ་ཆེན་མཆོད།། གདུང་བའི་གླུ་དང་མཛེས་པའི་གར།། རོལ་མོ་ལས་ཀྱི་ཀརྨས་དབུལ།། ཞེས་གསུངས
80a3 སོ།། རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར་ལས། ལྷ་རྣམ་པར་བཀོད་པའི་ལེའུ་སྟེ་རྟོག་པ་བཞི་པའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་ཀྱི་དཀྱིལ
80a4 འཁོར་ཐམས་ཅད་ཡོངས་སུ་མཉེས་པར་བྱེད་པ་ཀུན་ཏུ་རྣམ་པར་སྤྲུལ་པའི་རོལ་པ་ཆེན་པོ་རོལ་མོའི་རྒྱན་ཞེས་བྱ་བ་འདི་གསུངས་སོ།། རིག་པ་རིག་པ་ཉིད་ལ་གནས།། དེ་ཕྱིར་རིག་པ་རིག་པའི་སྤྲུལ་པ
80a5 སྟེ།། དམིགས་མེད་མཁའ་ལྟར་དག་པས་ཁྱབ་པའི་སྐྲ།། སྤྱན་དྲངས་གཤེགས་སུ་གསོལ་བར་མི་དམིགས་ཀྱང་།། ཐུགས་རྗེའི་ངང་ཆེན་ཆོས་སྐུ་དག་པ་ལས།། ཡེ་ཤེས་སྒྱུ་མར་རོལ་ཅིང་གཤེགས་སུ
80a6 གསོལ།། བསྙེངས་པ་མི་མངའ་སྟོབས་བཅུའི་ཤུགས་མངའ་བ།། མ་འདྲེས་སངས་རྒྱས་ཆོས་རྣམས་རབ་ཏུ་རྫོགས།། དཔལ་ཆེན་ལོངས་སྤྱོད་རྫོགས་པའི་སྐུ།། རྔམས་པའི་ཞལ་ནས་འབྲུག་སྒྲོག་ཅིང་།། སེང་གེའི་ང
iiif viewer powered by OpenSeadragon
