| e-texts navigator |
| Wylie |
7a1 བཤད་པར་བྱ།། རྡོ་རྗེ་དབང་གི་སྟོབས་ལྡན་ཞིང་།། སྔར་བྱས་ཐབས་ཀྱི་བཅུད་ལྡན་པའི།། ཐབས་ལྡན་རྣལ་འབྱོར་ངེས་པ་ཡིས།། ཙཀྲ་བཞི་དང་ཀ་བ་གསུམ།། ཐབས་ལྡན་མེ་རླུང་སྦྱོར་བ་ནི།། མན
7a2 ངག་སྟོབས་ཀྱིས་ཤེས་པར་བྱ།། ཐབས་ལྡན་ཐིག་ལེ་འབྱོར་པ་ཡིས།། ཡེ་ཤེས་ནམ་མཁའ་ལྟ་བུར་མཐོང་།། བསྐྱེད་པ་རླུང་གི་ཕྱག་རྒྱ་ཡིས།། ཕྱི་ནང་དྲངས་སྙིགས་འདྲེས་པའི་རླུང་།། བཟུང་དང་མི་བཟུང་སྦྱོར་བ
7a3 ཡིས།། གསང་བའི་ཐབས་ཀྱི་རོལ་པ་ལས།། མ་སྐྱེས་མཉམ་པའི་ངོ་བོར་མཐོང་།། སྟེང་འོག་ཐབས་ལ་བརྟེན་པ་ཡི།། ཞུ་བས་གནས་ཐིམ་བདེ་བའི་རོས།། མ་ལུས་རྒྱས་བཏབ་མཉམ་སྦྱོར་བ།། བདེ་ཆེན་ཐིག་ལེ
7a4 སྟོབས་ལ་གྱུར།། གང་དེ་ཐབས་ལས་བྱུང་བ་ནི།། ཉི་ཟླ་གནས་བཅུད་རང་འབར་བས།། གནས་བཅུད་ཐིག་ལེ་མི་དམིགས་པས།། སྤྱི་དང་རང་གི་མཚན་ཉིད་གསལ།། གང་དུ་ཐབས་ཆེན་ལས་བྱུང་བའི།། སྟེང་འོག།
7a5 རླུང་གི་སྦྱོར་བ་ནི།། ཐབས་ལམ་བདེ་བའི་གཉེར་དག་གིས།། བརྟགས་པ་རང་གིས་རྟོག་པ་བཟློག། དངོས་པོ་རྣམས་ཀྱི་ངོ་བོ་ལ།། བཟློག་བྱ་ངེས་ཀྱང་མི་དམིགས་སོ།། ཕུང་སོགས་རྟོག་པའི་འཇིག་རྟེན་ཀུན།། ལོག
7a6 རྟོག་སྒྱུ་མ་སྣང་ཙམ་ལས།། ཉི་ཟླ་བདེན་གཉིས་ལ་ཉིད་ཀྱིས།། མ་སྐྱེས་མཉམ་ལ་གནས་འགྱུར་ཞིང་།། ཕུང་སོགས་ལྷ་ཡི་དཀྱིལ་འཁོར་དུ།། རང་སྣང་རང་གི་མངོན་སུམ་གསལ།། ཕྱི་ནང་ཉམས་ལ་བརྟེན་པ
iiif viewer powered by OpenSeadragon
