| e-texts navigator |
| Wylie |
72a1 ལས།། རྒྱུད་འབྱུང་བའི་གཞི་རྣམ་པར་བཀོད་པ་སྟེ། རྟོག་པ་དང་པོའོ།། །། དེ་ནས་དེ་བཞིན་གཤེགས་པ་ཐམས་ཅད་ཀྱིས་གསང་བ་བཀའ་བགྲོས་པ་ཞེས་བྱ་བའི། སྤྲུལ་པ་རྣམ་པར་ཕྱུང་སྟེ་འདུལ
72a2 བར་དགོངས་ནས། ཐུགས་རྗེས་སྤྲོ་བ་འདི་གསུངས་སོ།། རིག་པ་ཉིད་ལས་སྐྱེས་པའི་ཕྱིར།། སྐུ་གསུམ་ཡོན་ཏན་ཕྲིན་ལས་ཐུགས།། རིག་པ་ཤེས་པ་རྣམ་དྲུག་ཆེ།། ཆོས་ཉིད་ངང་དུ་ཡེ་ཤེས་གནས།། མི་སྐྱེའི་ཆོས
72a3 ཅན་སྐྱེ་ཚུལ་སྟོན།། ཐབས་དང་ཤེས་རབ་མཉམ་སྦྱོར་མཛད།། དུག་ལྔ་ཡེ་ཤེས་ལྔ་ཡིས་འཇོམས།། ཅི་ཡང་མི་གསུང་མཉམ་པར་གནས།། འཁོར་བ་ཕྱུང་ནས་སྐམ་སར་འདོན།། དབྱིངས་ལ་ཡེ་ཤེས་རོལ་རྩེད
72a4 མཛད།། ནམ་མཁའ་ལྟ་བུར་སྣ་ཚོགས་སྟོན།། བདུད་རྩི་དམ་པའི་ཆུ་བོ་འབེབས།། མ་རིག་སེལ་བའི་སྒྲོན་མེ་མཛད།། འཁོར་བའི་ནང་ནས་བྱུང་ཚུལ་སྟོན།། རྡོ་རྗེའི་གདན་ལ་རྡོ་རྗེ་འཇོག། བྱེ་བ་ཕྲག་ཁྲིག་གདུལ་བྱ
72a5 ལ།། དེ་དང་མཐུན་པར་སྤྲུལ་པ་འགྱེད།། དཔའ་བོར་མོས་ལ་དཔའ་བོ་དང་།། དཔའ་མོར་མོས་ལ་དཔའ་མོ་དང་།། མཐུན་བྱས་མཐུན་པས་དོན་མཛད་པ།། པདྨ་འདམ་སྐྱེས་སྐྱོན་མ་གོས།། འཇའ་ཚོན་འདྲ་སྟེ་དངོས
72a6 མེད་གསལ།། ཞེས་གསུངས་སོ།། དེ་ནས་གདུལ་བྱ་གདུལ་དཀའ་བ་དག་དབུགས་དབྱུང་བའི་ཕྱིར། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དགོངས་པ་དམ་པ་གསང་བ་བཀོད་པ་ཞེས་བྱ་བའི་ཏིང
iiif viewer powered by OpenSeadragon
