| e-texts navigator |
| Wylie |
71b1 གདུང་དང་ཞེ་སྡང་གདུང་།། ཤིན་ཏུ་གདུག་པ་འདུལ་བའི་གདུང་།། སེར་སྣའི་གདུང་དང་འདོད་ཆགས་གདུང་།། ཕྲག་དོག་གདུང་དང་ཤིན་ཏུ་སྤྲོ།། སྤྲིན་ཕུང་འཁྲིགས་པའི་དམ་ཚིག་ཅན།། ཐམས་ཅད་བདག་ཉིད
71b2 རྟག་ཏུ་བཞུགས།། ཡང་དག་བསྒྲུབ་པ་གཅིག་པུ་ཉིད།། སངས་རྒྱས་བདེ་ཆེན་ཀུན་འདུས་པ།། མཁའ་འགྲོ་སྒྱུ་མ་བདེ་མཆོག་བདེ།། སངས་རྒྱས་ཐམས་ཅད་མཉམ་སྦྱོར་བ།། རྣལ་འབྱོར་ཟབ་མོ་སྐུ་གསུམ
71b3 རྫོགས།། དམ་ཚིག་ལས་དང་ཆོས་དང་ནི།། སྐུ་ཉིད་ཕྱག་རྒྱ་ཆེན་པོ་སྟེ།། དགའ་དང་མཆོག་དགའ་དགའ་བ་དང་།། ལྷན་ཅིག་སྐྱེས་དགའི་རང་བཞིན་ཅན།། སྒྱུ་མ་ཆེན་པོ་ཆོས་ཀྱི་སྐུ།། གསང་བ་ཤེས་རབ་བདེ་ཆེན
71b4 པོ།། བསྟན་པར་བཞེད་ནས་དཀྱིལ་འཁོར་སྤྲོ།། སྟོང་པ་ཡེ་ཤེས་རབ་སྣང་བ།། ཚོགས་པའི་དུས་ན་རྣམ་པར་དག། དེ་ནས་ཉིད་ཀྱི་བདེ་འབྱིན་མས།། གླུ་ཡི་རྣམ་པར་བསྐུལ་མཛད་དོ།། མི་འདའ་སྟོང་ཉིད་གར་གྱི
71b5 བདག། གཡར་དམ་སྙིང་པོ་དངོས་གྲུབ་མཛོད།། དམ་ཚིག་ཆེན་པོ་ངོ་བོ་ཉིད།། ཡེ་ཤེས་ཅན་དུ་གྲུབ་པར་མཛོད།། ཧོ། ཨེ་མ་ངོ་མཚར་ཡ་མཚན་ཅན།། རིག་པའི་རྣམ་པ་སྟོང་ཉིད་ཐུགས།། ཡེ་ཤེས་རོལ་པ་རྣམ་པར
71b6 རོལ།། རོལ་པའི་ངང་ནས་དམ་ཚིག་འབྱིན།། པདྨ་རྒྱས་པར་གར་མཛད་དེ།། རིག་པ་ཉིད་དུ་མཇལ་བར་བྱེད།། ཅེས་དེ་བཞིན་གཤེགས་པ་ཉིད་ལ་ཆེད་དུ་གླེང་ངོ་།། རྒྱུད་ཀྱི་རྒྱལ་པོ་སངས་རྒྱས་མཉམ་སྦྱོར
iiif viewer powered by OpenSeadragon
