| e-texts navigator |
| Wylie |
70a1 རེག་བྱ་བཞི།། སྤྱོད་པའི་དུས་ནས་དགའ་བ་བཞི།། གདུལ་བྱ་འདུལ་ཕྱིར་ཁྲོ་བཞིར་ཤར།། སྤྱད་ཆ་ཞེན་པ་རྟག་ཆད་བཞི།། གྲོལ་བའི་དུས་ན་ཁྲོ་མོར་ཤེས།། ཐབས་ཀྱི་འཛིན་ལ་ཡུམ་ལ་སྤྱོད།། ཤེས
70a2 རབ་ཡུམ་ལ་ཐབས་གནས་ཕྱིར།། དྲ་བར་འབྲེལ་དང་ཉོན་མོངས་འདུལ།། དེ་ཕྱིར་ཐུབ་དྲུག་སྤྲུལ་པ་སྤྲོ།། རང་བཞིན་གསང་བའི་སྙིང་པོ་འདི།། འགྲོ་བའི་རྒྱུད་ལ་ཡོངས་གབ་པ།། ལམ་རྐྱེན་རྒྱུད་དུ་སྟོན་པས
70a3 སྦས།། སྐྱོན་ཡོད་མ་ཡིན་སྣོད་ངན་གསང་།། རང་བཞིན་བདེ་གཤེགས་གདུལ་བྱ་ཡིས།། འཁྲུལ་པའི་སྣང་བ་བསལ་བའི་ཕྱིར།། ཐབས་དང་ཤེས་རབ་མ་ནིང་རྒྱུད།། འདུལ་བ་མདོ་སྡེ་ཆོས་མངོན་དང་།། སྐུ་དང
70a4 གསུང་དང་ཐུགས་ཀྱི་རྒྱུད།། ཕྱོགས་བཅུའི་འཇིག་རྟེན་རྡུལ་སྙེད་དུ།། འགྲོ་བའི་ཆེད་དུ་སྤྲོས་པ་རྣམས།། འདི་ནས་འཕྲོས་ནས་འདིར་འདུ་བས།། སྡེ་སྣོད་ཀུན་གྱི་རྩ་བར་བཤད།། དེ་ཕྱིར་རྒྱུད་ལུང་མན་ངག
70a5 མཚན།། རབ་འབྲིང་ཐ་མ་འགྲོར་འཇུག་པ།། རྒྱལ་བ་ཀུན་གྱི་ངེས་པའི་དོན།། ཏ་ན་ག་ཎ་སྤྱོད་པ་རླབས་པོ་ཆེ།། ལྟ་སྤྱོད་དཀྱིལ་འཁོར་དབང་དམ་དང་།། ཕྲིན་ལས་སྒྲུབ་མཆོད་ཏིང་ངེ་འཛིན།། དབང་བཅུ་དབང་ལྡན
70a6 ཆེ་བ་པོ།། སེམས་དཔའ་སངས་རྒྱས་ཀུན་གྱི་དངོས།། ལོག་སེལ་དད་པའི་མཆོག་ལུས་ཅན།། འདུལ་བའི་དུས་དག་གསང་སྔགས་མེད།། ཅེས་བརྗོད་པས། དེ་བཞིན་གཤེགས་པའི་དགོངས་པ་ཟབ་མོ་ཐུགས་སུ་ཆུད
iiif viewer powered by OpenSeadragon
