| e-texts navigator |
| Wylie |
6b1 དམིགས་པའི་ཡུལ་ལས་འདས།། ཐབས་དང་ཤེས་རབ་འདྲེས་པ་ལས།། རང་རིག་བདེ་བར་རང་གསལ་བས།། མ་ལུས་ཐབས་ཆེན་རྒྱལ་པོ་ཉིད།། རླུང་སེམས་རྟེན་གྱི་ཐིག་ལེ་ལ།། ཕྱི་ནང་དྭངས་སྙིགས་རྒྱུ་བ
6b2 དག། འགྲོ་འོད་མེད་པར་གསལ་བ་ན།། རེ་དོགས་འགྲོ་འོང་ལས་གྲོལ་བ།། མཐར་ཕྱིན་ཡེ་ཤེས་སེམས་ཉིད་ནི།། བདེ་ཆེན་མི་དམིགས་བསམ་ཡུལ་འདས།། བདེ་བའི་ཐིག་ལེ་བཅུ་དྲུག་པ།། ཉི་ཟླ་འདྲེས་པའི
6b3 གར་ཐབས་ལས།། ཕྱི་ནང་ཡུལ་སེམས་བཅས་པ་དག། མ་སྐྱེས་མཉམ་ལ་གནས་འགྱུར་ཞིང་།། ཐིག་ལེ་ཟུང་འཇུག་བདེ་བ་ལས།། གསང་བའི་ཉམས་ནི་འབྱུང་བར་འགྱུར།། རྟེན་འབྲེལ་བདེ་བའི་ཟུང་འཇུག
6b4 ལས།། མཁའ་ལྟར་རང་བྱུང་ཡེ་ཤེས་སྐྱེས།། བདེ་ཆེན་ཐིག་ལེ་རྒྱུ་རྐྱེན་འདས།། རང་བྱུང་ཡེ་ཤེས་གནས་མེད་ལས།། སྒྱུ་མའི་ཆོ་འཕྲུལ་རང་བཞིན་འཆར།། སྒྱུ་འཕྲུལ་དྲ་བ་བདེ་ཆེན་པོ།། རང་བྱུང་རང་རིག་ཡུལ་ལས
6b5 འདས།། སྐྱེ་འགག་གནས་དམིགས་ལས་འདས་ཤིང་།། འགྲོ་འོང་བྱ་བྱེད་ལས་འདས་པས།། རང་བྱུང་ཡེ་ཤེས་དེ་བཞིན་ཉིད།། སེམས་ཀྱི་མཚན་ཉིད་གཞི་རྩ་འདས།། མཚོན་པའི་ཡུལ་ལ་མི་གནས་པའོ།། སྒྲ
6b6 འཕྲུལ་ཐལ་བའི་རྒྱུད་ཆེན་པོ་ལས། སེམས་ལྔ་བསྟན་པའི་ལེའུ་སྟེ་གཉིས་པའོ།། །། དེ་ནས་གཞན་ཡང་བཤད་བྱ་བ།། ཐབས་དང་ཤེས་རབ་གཉིས་མེད་པ།། ཐིག་ལེ་ཉི་ཟླ་འདྲེས་པ་ལས།། འབྱུང་བའི་ལྟ་བ
iiif viewer powered by OpenSeadragon
