| e-texts navigator |
| Wylie |
69b1 ནི་སྙིང་གར་གནས།། རྣམ་ཤེས་ཕུང་པོ་མི་བསྐྱོད་པ།། ས་ལ་སྤྱོད་པས་སངས་རྒྱས་སྤྱན།། དེ་ཞེས་རྒྱུ་བ་བུམ་པའི་བདག། དཀར་བའི་ས་ནི་ཆུ་ལ་ཐིམ།། མེ་ལོང་ཡེ་ཤེས་ངང་དུ་གནས།། ཐུར་སེལ་རླུང་ནི་གསང་བར
69b2 གནས།། ཚོར་བའི་ཕུང་པོ་རིན་འབྱུང་སྐུ།། ཆུ་ལ་སྤྱོད་པས་མཱ་མ་ཀཱི།། སེར་པོ་ཆུ་ཉིད་མེ་ལ་ཐིམ།། མཉམ་ཉིད་ཡེ་ཤེས་སྲོག་ཏུ་གནས།། གྱེན་དུ་རྒྱུ་བ་ལྐོག་མར་གནས།། འདུ་ཤེས་ཕུང་པོ་སྣང་མཐའ་ཡས།། མེ
69b3 ལ་སྤྱོད་པས་གོས་དཀར་མོ།། རྣ་བ་གཡས་ནས་རྒྱུ་བྱེད་པ།། མེ་ཉིད་རླུང་ལ་རྣམ་འདུ་ཞིང་།། སོ་སོར་ཀུན་རྟོགས་ཡེ་ཤེས་ཉིད།། མི་མཉམ་རླུང་ནི་ལྟེ་བར་གནས།། འདུ་བྱེད་ཕུང་པོ་དོན་ཡོད་གྲུབ།། རླུང་ལ་སྤྱོད་པས
69b4 དམ་ཚིག་སྒྲོལ།། རྣ་བ་གཡོན་ནས་ངེས་འབྱུང་བ།། རླུང་ཉིད་རྣམ་པར་ཤེས་ལ་ཐིམ།། ལྗང་སེར་བྱ་བ་གྲུབ་པའི་ངང་།། ས་ཆུ་སྤྱན་དང་མཱ་མ་ཀཱི།། མེ་རླུང་གོས་དཀར་སྒྲོལ་མ་ལྔ།། རྡོ་རྗེ་ཕུང་པོའི་ཡན་ལག
69b5 ཀུན།། རྫོགས་པའི་སངས་རྒྱས་ལྔ་རུ་གྲགས།། རྒྱུ་བའི་གནས་ནི་སྤྱན་ཡིན་ཏེ།། རྣམ་པར་རྒྱུ་བ་རྣ་བ་ལ།། ཡང་དག་རྒྱུ་བ་སྣ་དང་ནི། རབ་ཏུ་རྒྱུ་བ་ལྕེ་ལ་གནས།། ངེས་པར་རྒྱུ་བ་ལུས་ཉིད་དེ།། མིག་དང་རྣ་བ་སྣ་དང
69b6 ལྕེ།། ས་སྙིང་ལ་སོགས་སེམས་དཔའ་བརྒྱད།། རྣམ་ཤེས་དབང་པོ་ཕྱི་ནང་ཕྱེ།། ཡུལ་བརྒྱད་འཛིན་པ་རྣམ་བཟུང་ལ།། ཕྱི་ནང་སེམས་མ་བརྒྱད་དུ་ཤར།། གཟུགས་སོགས་ཡུལ་ལ་རྣམ་པར་སྤྱོད།། ལུས་ཀྱི་རྣམ་ཤེས
iiif viewer powered by OpenSeadragon
