| e-texts navigator |
| Wylie |
69a1 རྣམས།། རྨད་དང་རྩ་བ་གང་གིས་སྤྱད།། ལོག་པའི་ལམ་དུ་ཞུགས་པ་རྣམས།། ཡང་དག་ལམ་དུ་ཇི་ལྟར་གཟུད།། ཤིན་ཏུ་གསང་བའི་མན་ངག་དོན།། སྣོད་ལྡན་ཀུན་ལ་ཇི་ལྟར་སྦྱིན།། ཞེས་ཆེད་དུ
69a2 བརྗོད་དོ།། དེ་ནས་རྡོ་རྗེ་འཆང་ཆེན་པོས་དགོངས་པ་གསང་བའི་ཏིང་ངེ་འཛིན་གྱིས་འདི་གསུངས་སོ།། དཀྱིལ་འཁོར་བཞི་དང་སྲོག་ཤིང་གསུམ།། སུམ་ཅུ་གཉིས་དང་བཅུ་དྲུག་དང་།། བརྒྱད་དང་དྲུག་ཅུ་རྩ་བཞི
69a3 ཡི།། དཀྱིལ་འཁོར་ལྡན་པའི་དཀྱིལ་འཁོར་ལ།། ཐབས་དང་ཤེས་རབ་གཉིས་མེད་པས།། ཨཱ་ལི་ཀཱ་ལིའི་སྒྲ་དབྱངས་ལྡན།། རྒྱ་མཚོ་གཏིང་ནས་སྒྲོལ་མ་གཡོས།། མེ་ལྕེ་སྲིད་པ་གསུམ་ལ་ཁྱབ།། ནམ་མཁའི་བ
69a4 བཞོས་བདེ་བ་ཆེ།། འཕགས་པ་འགྲོ་དྲུག་མཆོད་སྦྱིན་ཕུལ།། བདེ་བ་ཡེ་ཤེས་རོལ་མོ་ཡིས།། དུས་གསུམ་དགྱེས་པའི་མཆོད་པ་འབུལ།། ཟག་པ་མེད་པའི་བསོད་ནམས་ཀྱིས།། ཡེ་ཤེས་སྒྱུ་མ་རང་སྣང་བའོ།། ཡིད
69a5 ཆོས་ཀུན་བཟང་ཡབ་ཡུམ་དང་།། ཉོན་མོངས་དབང་གིས་བསྐྱེད་པ་ནི།། རྩ་བ་ཕུང་པོའི་རླུང་ལྔ་དང་།། ཡན་ལག་སྐྱེ་མཆེད་རླུང་ལྔ་ཡིས།། ཕུང་སོགས་བཞི་བཅུ་རྩ་གཉིས་སྐུ།། ཚིག་ལ་ཁྱབ་བྱེད་རླུང་གནས
69a6 པ།། གཟུགས་ཀྱི་ཕུང་པོ་རྣམ་སྣང་སྐུ།། ནམ་མཁའ་ལ་བསྐྱོད་དབྱིངས་ཕྱུག་ཡུམ།། སྣང་ལྔ་ཁ་དོག་མཐིང་གའི་བདག། མཆེད་སྣང་རྣམ་ཤེས་ཉེར་ཐོབ་ཐིམ།། མཐར་ཕྱིན་ཡེ་ཤེས་ཆོས་ཀྱི་དབྱིངས།། སྲོག་འཛིན་རླུང
iiif viewer powered by OpenSeadragon
